សន្តិសុខសង្គម
ជនពិការម្នាក់ អង្គុយលេងទូរស័ព្ទមាត់ស្រះទឹក ក្នុងវត្តតាំងក្រសាំង រអិលជើងដាច់ផ្ងារធ្លាក់លិចបាត់ទៅក្រោម
បុរសជាជនពិការរៀនចប់សញ្ញាប័ត្រផ្នែកកសិកម្មម្នាក់ បានរអិលជើងដាច់ផ្ងារធ្លាក់ទឹកស្រះនៅក្នុងវត្តតាំងក្រសាំងខាងជើង បណ្ដាលឲ្យស្លាប់ ត្រូវកម្លាំងជំនាញពិសេស ៩១១ រកឃើញ។
ហេតុការណ៍ខាងលើបង្កការភ្ញាក់ផ្អើលកាលពីវេលាម៉ោង ៦ និង ៣០ នាទីយប់ ថ្ងៃទី ១៧ ខែកក្កដា ឆ្នាំ ២០២៤ ចំណុចវត្តតាំងក្រសាំងខាងជើង សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលលង់ទឹកស្លាប់មានឈ្មោះ សុខ វណ្ណះ អាយុជាង ៣០ ឆ្នាំ ជាជនពិការស្វិតជើង ខាងស្តាំ មកសុំព្រះសង្ឃស្នាក់នៅសាលាបាលី ក្នុងវត្តកន្លែងកើតហេតុខាងលើ និងមានស្រុកកំណើតនៅខេត្តត្បូងឃ្មុំ។
យោងតាមសាក្សីបានឲ្យដឹងថា មុនពេលកើតហេតុគេឃើញជនរងគ្រោះបានមកអង្គុយលេងទូរស័ព្ទលើខឿនមាត់ស្រះទឹកក្បែរស្លាកឈ្មោះ ហើយក៏រអិលជើងដាច់ផ្ងារទៅក្រោយធ្លាក់ទឹក លង់លិចបាត់ទៅក្រោម ភ្លាមៗ ក៏មានមនុស្ស ២ នាក់ បានឃើញ តែពុំហ៊ានចុះទៅជួយឡើយ រួចនាំគ្នារត់ទៅប្រាប់អ្នកជិតខាង និងសមត្ថកិច្ចឲ្យចុះមកទីតាំងកើតហេតុភ្លាមៗ ផងដែរ។
បន្ទាប់ពីសមត្ថកិច្ចមូលដ្ឋានចុះមកដល់ ក៏បានសុំអន្តរាគមន៍ពីខាងកម្លាំងពិសេស ៩១១ ឲ្យចុះមកជួយអន្តរាគមន៍។ ក្នុងនោះ កម្លាំងពិសេស ៩១១ បានចុះមកដល់ រួចត្រៀមសម្ភារៈមួយចំនួនចុះទៅរុករកសព ប្រើពេលអស់ជាងកន្លះម៉ោង ក៏រកឃើញស្រង់មកលើគោកវិញ ហើយប្រគល់ឲ្យសមត្ថកិច្ចមូលដ្ឋាន ដើម្បីធ្វើកំណត់ហេតុប្រគល់សពជូនក្រុមគ្រួសារយកធ្វើបុណ្យតាមប្រពៃណី៕
អត្ថបទ ៖ ម៉េង
-
ព័ត៌មានជាតិ៤ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៣ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ១ សប្តាហ៍ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ៣ ថ្ងៃ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៤ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
សេដ្ឋកិច្ច២ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៦ ថ្ងៃ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត