តុលាការខេត្តព្រៃវែង ចេញដីកាឃុំខ្លួនមេប៉ុស្ដិ៍អ្នកលឿង ពាក់ព័ន្ធករណីចែកចាយគ្រឿងញៀន

លោក អៀ ហាំឡេង ចៅក្រមស៊ើបសួរនៃសាលាដំបូងខេត្តព្រៃវែង កាលពីថ្ងៃទី២៨ ខែកក្កដា ឆ្នាំ២០២៤ បានសម្រេចចេញដីកាបង្គាប់ឲ្យឃុំខ្លួនលោក យ៉ែម រ៉ាន់យ៉ា ហៅរ៉ាន់ ជានាយប៉ុស្ដិ៍រដ្ឋបាលនគរបាលឃុំអ្នកលឿន នៃស្នងការដ្ឋាននបគរបាលខេត្តព្រៃវែង ដាក់ពន្ធនាគារពីបទ «ជួញដូរ ចែកចាយ និងប្រើប្រាស់ដោយខុសច្បាប់នូវសារធាតុញៀន»។ ជនត្រូវចោទត្រូវបានចោទប្រកាន់តាមបទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៤០ មាត្រា៤២ និងមាត្រា៤៥ នៃច្បាប់ស្តីពីការត្រួតពិនិត្យគ្រឿងញៀន។

លោក យ៉ែម រ៉ាន់យ៉ា ហៅរ៉ាន់ ជានាយប៉ុស្ដិ៍រដ្ឋបាលនគរបាលឃុំអ្នកលឿន និងបក្ខពួកសរុប៨បាក់ ត្រូវបានកម្លាំងជំនាញនៃស្នងការដ្ឋាននគរបាលខេត្តព្រៃវែង សហការជាមួយកម្លាំងនគរបាលស្រុកពាមរក៍ ស្រាវជ្រាវបង្ក្រាបឃាត់ខ្លួនកាលពីថ្ងៃទី២៣ ខែកក្កដា ឆ្នាំ២០២៤ វេលាម៉ោង០៧និង៣០នាទី នៅចំណុចហាងKTV ផ្កាកុលាប ស្ថិតនៅភូមិ០៦ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង៕

អត្ថបទ៖ សុខុម