សន្តិសុខសង្គម
អាជ្ញាធរខណ្ឌព្រែកព្នៅ គ្រោងធ្វើប្រព័ន្ធលូដើម្បីរំដោះទឹកស្អុយដែលពលរដ្ឋបង្ហូរលើផ្លូវជាតិលេខ៥
បន្ទាប់ពីចុះពិនិត្យជាក់ស្ដែងកាលពីថ្ងៃទី៣១កក្កដា ពាក់ព័ន្ធបញ្ហាទឹកដក់លើផ្លូវជាតិលេខ៥ ធ្វើឲ្យមានក្លិនស្អុយប៉ះពាល់ដល់ការរស់នៅរបស់ប្រជាពលរដ្ឋនៅចំណុចគីឡូម៉ែត្រលេខ១៥ ភូមិដួង សង្កាត់ព្រែកព្នៅ អាជ្ញាធរខណ្ឌគ្រោងព្រែកព្នៅ គ្រោងធ្វើប្រព័ន្ធលូមួយរំដោះចូលទៅប្រព័ន្ធលូមេចៀសវាងការដក់កាន់តែខ្លាំងនៅរដូវវស្សា។
លោក ធឹម សំអាន អភិបាលនៃគណៈអភិបាលខណ្ឌព្រែកព្នៅ បានឲ្យដឹងនៅព្រឹកថ្ងៃទី១សីហា នេះថា នៅតំបន់នោះជាកន្លែងស្រះចិញ្ចឹមត្រីគ្មានប្រព័ន្ធលូនោះទេ និងមានប្រជាពលរដ្ឋបានមកសាងសង់លំនៅដ្ឋាន ដោយនាំគ្នាបង្ហូរទឹកចូលស្រះចិញ្ចឹមត្រី។ ប៉ុន្តែក្រោយមកម្ចាស់ស្រះចិញ្ចឹមត្រី ក៏លែងអោយបង្ហូរចូលទើបប្រជាពលរដ្ឋសម្រេចនាំគ្នាធ្វើលូស្តុក ហើយបច្ចុប្បន្នលូដែលប្រព័ន្ធស្តុកទឹកមិនស្អាត បានពេញ និងបង្កអោយទឹកផុសឡើងមកលើផ្លូវដែលធ្វើឲ្យប៉ះពាល់ដល់ការរស់នៅរបស់ពួកគាត់។ លោកអភិបាលខណ្ឌបន្ថែមថា ចំណុចនេះមានប្រជាពលរដ្ឋតែប៉ុន្មានគ្រួសារប៉ុណ្ណោះដែលមិនបានយល់ដឹងពីការថែទាំអនាម័យ និងបរិស្ថាន។
លោកអភិបាលខណ្ឌបញ្ជាក់ថា ពាក់ព័ន្ធប្រព័ន្ធលូនេះ លោកនឹងធើ្វការជីកដាក់លូតូចដើម្បីជួយរំដោះទឹកដែលដក់លើកំណាត់ផ្លូវជាតិលេខ៥ ត្រង់ចំណុចភូមិដួងនេះដោយតភ្ជាប់ទៅប្រព័ន្ធលូធំមានប្រវែងប្រហែល ៣១០ម៉ែត្រ ទៅ៤០០ម៉ែត្រ ក្នុងការជួយរំដោះទឹកក្នុងរដូវវស្សា និងមានទឹកដក់លើផ្លូវបន្តទៀត។
សូមបញ្ជាក់ថា បើតាមការលើកឡើងពីលោក សឿត ជាប្រជាពលរដ្ឋរស់នៅក្នុងភូមិដួងបានប្រាប់មក កម្ពុជាថ្មី ឲ្យដឹងថាកាលពីមុនមានបឹងមួយនៅក្រោយភូមិសម្រាប់ប្រជាពលរដ្ឋបង្ហូរទឹកប្រើប្រាស់រួចចូល លុះក្រោយមកក៏មានការអភិវឌ្ឍន៍បចាក់ដីលុបបឹងនោះ ក៏ប្រជាពលរដ្ឋរស់នៅក្នុងភូមិនោះបាននាំគ្នាធើ្វលូសម្រាប់ស្តុបទឹកប្រើប្រាស់រួច តែដោយសារមានផ្ទះមួយបានបង្ហូរទឹកស្អុយចេញមកលើផ្លូវជាតិលេខ៥ ជាប្រចាំទើបធ្វើមានការដក់ទឹក និងជះក្លិនស្អុយ៕
អត្ថបទ៖ ម៉េង
-
សន្តិសុខសង្គម២ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ២ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ៣ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ៣ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៣ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានអន្ដរជាតិ៧ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
សន្តិសុខសង្គម៥ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ