សន្តិសុខសង្គម

សិស្សស្រី ០៥ នាក់ ត្រូវសមត្ថកិច្ចឃាត់អប់រំ ក្រោយរកឃើញបារីអេឡិចត្រូនិក

បានផុស

២ ខែ មុន

នៅ

ថ្ងៃសុក្រ ២ សីហា ២០២៤

ដោយ

អ៊ិន ពិសី

អប់រំសិស្សស្រី នៃវិទ្យាល័យបាក់ទូក ចំនួន ០៥ នាក់ ក្រោយត្រួតពិនិត្យរកឃើញបារីអេឡិចត្រូនិក ក្នុងកាបូបស្ពាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ០២ ខែសីហា ឆ្នាំ ២០២៤ កម្លាំងប៉ុស្តិ៍នគរបាលរដ្ឋបាលវាលវង់ នៃអធិការដ្ឋាននគរបាលខណ្ឌ ៧ មករា ដឹកនាំបញ្ជាផ្ទាល់ដោយលោកវរសេនីយ៍ទោ ជុន ប៊ុនណាន អធិការនគរបាលខណ្ឌ ៧ មករា បានសហការជាមួយនាយកវិទ្យាល័យ បាក់ទូក ដឹកនាំដោយលោកអនុសេនីយ៍ឯក ហែម សុផល នាយរងប៉ុស្តិ៍ បានចុះរដ្ឋបាលត្រួតពិនិត្យតាមបន្ទប់ថ្នាក់រៀនវិទ្យាល័យបាក់ទូក។

ជាក់ស្ដែង សមត្ថកិច្ច បានត្រួតពិនិត្យរកឃើញមានសិស្សជក់បារីអេឡិចត្រូនិក បង្កផលប៉ះពាល់ដល់សុខភាព។ ក្នុងនោះ សមត្ថកិច្ច ដកហូតបានបារីអេឡិចត្រូនិក ចំនួន ០២ ដើម និងអប់រំសិស្សស្រី ០៥ នាក់ ដោយធ្វើកិច្ចសន្យាបញ្ឈប់សកម្មភាពជក់បារីអេឡិចត្រូនិកបន្តទៀត។