សន្តិសុខសង្គម

បង្ក្រាបក្មេងទំនើង ៤ នាក់ ក្រោយកាប់ជនរងគ្រោះ ២ នាក់ របួសធ្ងន់ នៅខណ្ឌច្បារអំពៅ

បានផុស

៨ ខែ មុន

នៅ

ថ្ងៃសៅរ៍ ៣ សីហា ២០២៤

ដោយ

កម្លាំងនគរបាលជំនាញ ធ្វើការស្រាវជ្រាវភ្លាមៗ បន្ទាប់ទទួលបានវីដេអូបង្ហាញពីសកម្មភាពក្មេងទំនើងចំនួន ៤ នាក់ ធ្វើសកម្មភាពកាប់ប្រហារលើជនរងគ្រោះ ២ នាក់ បណ្ដាលឲ្យរងរបួសធ្ងន់ កាលពីព្រឹកថ្ងៃទី ០២ ខែសីហា ឆ្នាំ ២០២៤ ផ្លូវបេតុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ម៉ៅ សឿត អធិការខណ្ឌច្បារអំពៅ ដោយទទួលបានបញ្ជាពី លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និង លោកឧត្ដមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងកម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយព្រហ្មទណ្ឌខណ្ឌច្បារអំពៅ ដើម្បីចុះពិនិត្យទីតាំងកើតហេតុ ក្នុងនោះ លោកបានចាត់នាយប៉ុស្តិ៍នគរបាលរដ្ឋបាលព្រែកថ្មី ខណ្ឌច្បារអំពៅ ទៅទទួលពាក្យបណ្ដឹងជនរងគ្រោះដល់មន្ទីរពេទ្យឯកជន ហើយកងកម្លាំងជំនាញព្រហ្មទណ្ឌអធិការដ្ឋាននគរបាលខណ្ឌ សហការជាមួយកងកម្លាំងព្រហ្មទណ្ឌកម្រិតស្រាល ស្នងការដ្ឋាននគរបាលរាជធានីភ្នំពេញ មិនបាន ១ ថ្ងៃផង បង្ក្រាបបាន ៤ នាក់ និងដកហូតសម្ភារៈមួយចំនួន។

ជនសង្ស័យទាំង ៤ នាក់ រួមមាន ៖ ទី ១.ឈ្មោះ រិទ្ធ រតនា (ហៅពៅ) អាយុ ១៧ ឆ្នាំ សិស្សថ្នាក់ទី ១១, ទី ២.ឈ្មោះ សាទ សាន់ទី អាយុ ១៨ ឆ្នាំ មុខរបរជាងម៉ាស៊ីនត្រជាក់, ទី ៣.ឈ្មោះ ង៉ោ ប៉េងហួត អាយុ ១៦ ឆ្នាំ សិស្សថ្នាក់ទី ១០ និងទី ៤.ឈ្មោះ អៃ អេងឃាង អាយុ ១៦ ឆ្នាំ សិស្សថ្នាក់ទី ១១។