Connect with us

សន្តិសុខសង្គម

កម្លាំងអធិការនគរបាលស្រុកត្រាំកក់ បង្ក្រាបបានក្មេងទំនើង១២នាក់បន្តបន្ទាប់

បានផុស

នៅ

ក្មេងទំនើង២ក្រុមដែលបានធ្វើសកម្មភាពដេញកាប់គ្នាប្រសេកប្រសាចផ្អើលអ្នកភូមិ កាលពីប៉ុន្មានថ្ងៃមុន ពេលនេះត្រូវបានកម្លាំងអធិការនគរបាលស្រុកត្រាំកក់ ស្រាវជ្រាវឃាត់ខ្លួនបាន១២នាក់យកមកសាកសួរកសាងសំណុំរឿងតាមនីតិវិធី។ នេះបើតាមការបញ្ជាក់ពីលោកវរៈសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ នៅព្រឹកថ្ងៃទី០៦ ខែសីហា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអធិការឱ្យដឹងថា កាលពីថ្ងៃទី០៤ ខែសីហា ឆ្នាំ២០២៤​ វេលាម៉ោង​២៣​ និង​ ១០នាទី​ នៅចំណុចលេីផ្លូវជាតិលេខ ១៣២​ កើតមាន​ករណីហិង្សាដោយ​ចេត​នា​  មួយបង្កឡេីងដោយជនសង្ស័យចំនួន​២ក្រុម​ មានគ្នា១២នាក់​ ជិះម៉ូតូចំនួន​០៦គ្រឿង​ ប្រដាប់ដោយកាំបិត​ បានធ្វេីសកម្មភាពជិះម៉ូតូដេញកាប់គ្នាពីកេីតទៅលិច​ រួចបត់តាមផ្លូវកៅស៊ូទៅវត្តព្រៃស្បាត​ លុះជិះដល់ចំណុច​អាហារដ្ឋានជុំមិត្ត​ ស្ថិតក្នុងភូមិស្រែខ្វាវ​ ឃុំជាងទង​ ក្រុមទី១​ បាន​បត់ចូលទៅក្នុងអាហារដ្ឋាន​ រួចក្រុមទី២​ ក៏ជិះម៉ូតូដេញតាមទៅដល់ក្នុងអាហារដ្ឋាន​ រួចបានធ្វេីសកម្មភាពឈ្លោះប្រតាយប្រតបគ្នា​ ប៉ុន្តែមិនបណ្ដាលឱ្យភាគីណារងរបួសធ្ងន់ធ្ងរទេ។ បន្ទាប់ពីឃេីញសកម្មភាពបែបនេះ ម្ចាស់ហាងបានបិទទ្វា​ និងប្ដឹងរាយការណ៍ជូនសមត្ថកិច្ចជួយអន្តរាគមន៍​  ពេលនោះកម្លាំងជំនាញស្រុក​ សហការណ៍ជាមួយកម្លាំងប៉ុស្តិ៍ជាងទង​ និងប៉ុស្តិ៍ត្រពាំងធំខាងជេីង​ បានចុះអន្តរាគមន៍ភ្លាមៗ​ដល់កន្លែងកេីតហេតុ​ និងបានឃាត់ខ្លួនបានជាបន្តបន្ទាប់។

លោកអធិការឱ្យដឹងថា ក្រុមទី០១មាន​គ្នា០៩នាក់ជិះម៉ូតូចំនួន០៥គ្រឿងមាន៖ ទី១.ឈ្មោះ​ អ៊ុង​ ដាវីត​ ភេទប្រុស​ អាយុ​ ២៨ឆ្នាំ​ ​ មុខរបរ​ មិនពិតប្រាកដ​។ ទី២. ឈ្មោះ​ អ៊ិត​ ណាលិ​ ភេទប្រុស​ អាយុ​ ២៦ឆ្នាំ​ ​ មុខរបរ​ មិនពិតប្រាកដ​។ ទី៣. ឈ្មោះ​ អឿន​ មីនា​ ភេទប្រុស​ អាយុ​១៩ឆ្នាំ​ ​ មុខរបរ​ មិនពិតប្រាកដ​។ទី៤. ឈ្មោះ​ ស៊ឹម​ ស៊ីតារ៉ា​ ភេទប្រុស​ អាយុ​១៧ឆ្នាំ​ ​ មុខរបរ​ មិនពិតប្រាកដ​។ទី៥. ឈ្មោះ​ សាន​ បញ្ញា​ ភេទប្រុស​ អាយុ​១៩ឆ្នាំ​ ​ មុខរបរ​ មិនពិតប្រាកដ​។ទី៦. ឈ្មោះ​ ចាន់​ ចនតូនី​ ភេទប្រុស​ អាយុ​ ២២ឆ្នាំ​ ​ មុខរបរ​ មិនពិតប្រាកដ​។ ៦នាក់ខាងលើរស់នៅភូមិមឿងចារ្យ​ ឃុំជាងទង​ ស្រុកត្រាំកក់ ខេត្តតាកែវ។ ទី៧. ឈ្មោះ​ ម៉េត​ សារាជ​ ភេទប្រុស​ អាយុ​១៦ឆ្នាំ​ មុខរបរ​មិនពិតប្រាកដ​​ នៅភូមិតាកឹម​ ឃុំតាភេម​ ស្រុកត្រាំកក់​ ជាអ្នកកាន់កាំបិត និងទី៨. ឈ្មោះ​ សែ​ ចាន់វឌ្ឍនា​ ភេទប្រុស​ អាយុ​១៦ឆ្នាំ​   មុខរបរ​ មិនពិតប្រាកដ​​ និង ៩ ឈ្មោះ​ សាយ​ ចាន់មីនា​ ភេទប្រុស​ អាយុ​១៥ឆ្នាំ​ ​ មុខរបរ​ មិនពិតប្រាកដ​  ទាំង២នាក់រស់នៅភូមិសំរោង​ ឃុំត្រពាំងធំខាងត្បូង​ ស្រុកត្រាំកក់​។

ចំណែកក្រុមទី២ មានគ្នាចំនួន០៣នាក់​ ជិះម៉ូតូ០១គ្រឿង​ ម៉ាក C125 ពណ៍ខ្មៅ​ ឆ្នាំ២០២៤​។ រួមមានទី១.ឈ្មោះ​ មែ​ ម៉ានិត​ ភេទប្រុស​ អាយុ​២០ឆ្នាំ​ មុខរបរ​ ជាងកាត់សក់​ នៅភូមិត្រពាំងសោម​ ឃុំត្រពាំងធំខាងត្បូង​ ស្រុកត្រាំកក់​។  ទី២.ឈ្មោះ​ រុំ​ ភារ៉ូត​ ភេទប្រុស​ អាយុ​២១ឆ្នាំ​ មុខរបរ​ ជាងម៉ាស៊ីនត្រជាក់​ រស់នៅភូមិពាក់បង្អោង​ ឃុំត្រពាំងធំខាងជេីង ស្រុកត្រាំកក់​។ ទី៣.ឈ្មោះ​ ជា​ ចិណ្ណា​ ភេទប្រុស​ អាយុ​២២ឆ្នាំ​ មុខរបរ​កម្មករ រោងចក្រ​ រស់នៅភូមិអង្គត្រាវ​ ឃុំ​ត្រពាំងធំខាងជេីង​ ស្រុកត្រាំកក់។ 

បច្ចុប្បន្ន ក្រុមក្មេងទំនើងដែលឃាត់ខ្លួនបានទាំង១២នាក់ខាងលើ ត្រូវបានសមត្ថកិច្ចជំនាញ ធ្វេី​ការសាកសួរ​​កសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិ​វិធី៕

អត្ថបទ៖វីរៈ

Helistar Cambodia - Helicopter Charter Services
Sokimex Investment Group
ព័ត៌មានជាតិ៤ ម៉ោង មុន

ស្នងការ​ខេត្ត​បន្ទាយមានជ័យ ៖ បុណ្យចូលឆ្នាំថ្មី​ខាង​មុន​នេះ ហាម​ច្រក​ទឹក​ក្នុង​ថង់ ​គប់​ដាក់​គ្នា

សន្តិសុខសង្គម៦ ម៉ោង មុន

Update! សង្ស័យ​ផ្ដើម​ពី​ផ្ទុះ​ធុងហ្គាស ទើប​ឆេះ​ឃ្លាំង​រោងចក្រ​៣ រាលដាល​ដល់​ផ្ទះ​ពលរដ្ឋ​០៤​ខ្នង

ព័ត៌មានជាតិ៦ ម៉ោង មុន

ព្រឹត្តិការណ៍ “សង្ក្រាន្តវត្តភ្នំ” ៣​ថ្ងៃ​មាន​រៀបចំ​កម្មវិធី​បែប​ប្រពៃណី​ជាតិ និងកម្មវិធី កម្សាន្ត​សប្បាយជាច្រើន

នយោបាយ៨ ម៉ោង មុន

អ្នកវិភាគ និង​អ្នកឃ្លាំមើល៖ នាយករដ្ឋមន្ត្រី​កម្ពុជា​តែង​ផ្ដល់​អាទិភាព​ខ្ពស់​ ចំពោះ​សុខទុក្ខ​​ប្រជាពលរដ្ឋ

កីឡា៨ ម៉ោង មុន

លោក Munoz និយាយពីកីឡាករចំណូលថ្មី ក្រោយរកបាន Hat-trick

Sokha Hotels

ព័ត៌មានពេញនិយម