សន្តិសុខសង្គម
ប្រព័ន្ធលូមុខកាត់ធំៗ ធ្វើឲ្យមូលដ្ឋានសង្កាត់បឹងទំពន់ទី១ចៀសផុតពីការលិចលង់ខុសពីឆ្នាំមុនៗ
គម្រោងអភិវឌ្ឍន៍ប្រព័ន្ធលូមុខកាត់ធំៗ ចាប់ពី១ម៉ែត្រកន្លះ ដល់២ម៉ែត្រកន្លះភ្លោះ របស់រាជរដ្ឋាភិបាលអាណត្តិតី៧ បានដំណើរការអនុវត្តនៅតាមបណ្តាមូលដ្ឋានស្ទើរតែរួចរាល់ ក្នុងរាជធានីភ្នំពេញ។

ក្នុងមូលដ្ឋានសង្កាត់បឹងទំពន់ទី១ ខណ្ឌមានជ័យ ដែលតែងប្រឈមការលិចលង់ខ្លាំងជាងគេបំផុតកាលពីឆ្នាំមុនៗ ត្រូវគ្រប់គ្រងបានមួយជំហ៊ាន តាមរយៈគម្រោងអភិវឌ្ឍន៍ប្រព័ន្ធលូមេធំៗ ទំហំចាប់ពី១ម៉ែត្រកន្លះ ដល់២ម៉ែត្រកន្លះភ្លោះ ដែលបានដាក់តាមតំបន់ងាយរងគ្រោះ។
លោក សួស សារិន ចៅសង្កាត់បឹងទំពន់ទី១ បានប្រាប់ឱ្យដឹងថា បច្ចុប្បន្ននេះ គម្រោងអភិវឌ្ឍន៍របស់រាជរដ្ឋាភិបាលបានផ្ដល់ឲ្យចំនួន៧ធំៗ មួយចំនួនធំបានអនុវត្តរួចរាល់ និងមួយចំនួនទៀតកំពុងដំណើរការអនុវត្ត ដើម្បីជាកាត់បន្ថយពីបញ្ហាលិចលង់ក្នុងរដូវវស្សា។ លោកបន្តថា ត្បិតគម្រោងខ្លះមិនទាន់រួចរាល់ក៏ដោយ ប៉ុន្តែក្នុងមួយរយៈចុងក្រោយនេះ ទោះភ្លៀងធ្លាក់ខ្លាំង តែមិនបានបង្កជាក្តីព្រួយបារម្ភសម្រាប់ពលរដ្ឋនោះឡើយ។

ប្រជាពលរដ្ឋក្នុងមូលដ្ឋានសង្កាត់បឹងទំពន់ទី១ បានបង្ហាញក្តីរីករាយចំពោះគម្រោងអភិវឌ្ឍន៍របស់រាជរដ្ឋាភិបាល ដែលបានគិតគូរផ្លាស់ប្តូរប្រព័ន្ធលូជូនពួកគាត់ បញ្ចៀសការលិចលង់។ ពលរដ្ឋបន្តថា ប៉ុន្មានថ្ងៃនេះត្បិតភ្លៀងធ្លាក់ខ្លាំងក៏ពិតមែន ប៉ុន្តែមិនមានការលិចលង់ដូចកាលពីពេលមុននោះឡើយ ដោយសារតែប្រព័ន្ធលូមានមុខកាត់ធំ ដែលអាចឱ្យទឹកហូរទៅបានលឿនមិនមានការជន់លិចនោះទេ។ និងសូមថ្លែងអំណរអរគុណដល់រាជរដ្ឋាលភិបាលអាណាត្តិទី៧ ដែលដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។

គួរបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវគោលបំណងប្រកបដោយការប្ដេជ្ញាខ្ពស់សំដៅក្នុងការឈានបញ្ចប់បញ្ហាទឹកជន់លិចរាជធានីភ្នំពេញក្នុងរយៈពេល៥ឆ្នាំខាងមុខ។ រាជរដ្ឋាភិបាល តាមរយៈរដ្ឋបាលរាជធានីភ្នំពេញ បានរៀបចំគម្រោងចំនួន៥០គម្រោង សម្រាប់រយៈពេល៥ឆ្នាំ ហើយបច្ចុប្បន្នគម្រោងចំនួន១៣បាននឹងកំពុងអនុវត្ត ក្នុងតំបន់ដែលងាយរងគ្រោះដោយការលិចលង់ជាងគេ រួមមាន៖ តំបន់ជុំវិញស្ថានីយ៍បូមទឹកលូប្រាំ, តំបន់ជុំវិញស្ថានីយ៍បូមទឹកបឹងទំពន់ និងតំបន់ជុំវិញស្ថានីបូមទឹកបឹងត្របែក ជាដើម៕
អត្ថបទ៖ សុភា






-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ