អភិបាលខណ្ឌឬស្សីកែវ ចុះពិនិត្យ និងដាក់គ្រឿងចក្រស្ដារ ដើម្បីរំដោះជំនន់ទឹកភ្លៀង

កាលពីល្ងាចថ្ងៃទី៩ ខែសីហា ឆ្នាំ២០២៤ លោក ជិន ប៊ុនធឿន អភិបាលខណ្ឌឬស្សីកែវ បានចុះពិនិត្យតំបន់មួយចំនួនតាមបណ្ដាលសង្កាត់ដែលរងគ្រោះដោយជំនន់ទឹកភ្លៀង។​ លោកអភិបាលខណ្ឌក៏បានបញ្ជាឲ្យមន្ដ្រីជំនាញពាក់ព័ន្ធដាក់គ្រឿងចក្រកាយស្ដារ និងបូមទឹករំដោះដើម្បីបញ្ចៀសការជន់លិចផងដែរ។

គួរំលឹកផងដែរថា កាលពីយប់ថ្ងៃទី៨សីហា បន្ទាប់មានភ្លៀងធ្លាក់យ៉ាងខ្លាំងដែលបានធ្វើអោយមូលដ្ឋានខណ្ឌមួយចំនួនរបស់រាជធានីភ្នំពេញត្រូវបានជន់លិចដោយកន្លែង ជាក់ស្តែងក្នុងសង្កាត់មួយចំនួនរបស់មូលដ្ឋានខណ្ឌឫស្សីកែវ ក៏ទទួលការជន់លិចដោយជំនន់ទឹកភ្លៀងនេះផងដែរ។ រហូតមកដល់ថ្ងៃទី៩ សីហា អាជ្ញាធរខណ្ឌឫស្សីកែវ បាននិងកំពុងបន្តបូមទឹករំដោះទីតាំងដែលបានជន់លិចបានរួចរាល់ជាបណ្ដើរៗ៕

អត្ថបទ៖ ម៉េង