សន្តិសុខសង្គម

ឆេះផ្ទះលក់ចាប់ហួយ ១ ល្វែង ទាំងស្រុង ក្បែរវត្តចាស់ នៅខណ្ឌជ្រោយចង្វារ

បានផុស

៨ ខែ មុន

នៅ

ថ្ងៃពុធ ១៤ សីហា ២០២៤

ដោយ

អ៊ិន ពិសី

អគ្គិភ័យ បានលេបត្របាក់ផ្ទះលក់អីវ៉ាន់ចាប់ហួយ ០១ ល្វែង យ៉ាងសន្ធោសន្ធៅ បណ្ដាលឲ្យឆេះទាំងស្រុង បន្សល់តែកម្ទេចផេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះអគ្គិភ័យនេះដែរបង្កឲ្យមានការភ្ញាក់ផ្អើលកាលពីវេលាម៉ោង ០១ និង ២០ នាទីរសៀល ថ្ងៃទី ១៤ ខែសីហា ឆ្នាំ ២០២៤ នៅខាងក្រោយវត្តចាស់ តាមបណ្ដោយផ្លូវវត្តចាស់ ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋឃើញហេតុការណ៍ដំបូងគេ បានឲ្យដឹងថា មុនពេលកើតហេតុគាត់បានឮសំឡេងទុស្សេខ្សែភ្លើង ខណៈនោះគាត់ក៏រត់ចេញពីក្នុងផ្ទះមកមើល ស្រាប់តែឃើញភ្លើងឆាបឆេះយ៉ាងសន្ធោសន្ធៅចេញពីផ្នែកខាងក្រោយ នៃផ្ទះលក់ចាប់ហួយទៅហើយ បង្កឲ្យមានការភ្ញាក់ផ្អើលដល់ប្រជាពលរដ្ឋក្បែរខាងនាំគ្នាជញ្ជូនអីវ៉ាន់ចេញ។

ហេតុការណ៍នេះដែរ ភ្លាមៗ ប្រជាពលរដ្ឋបានរាយការណ៍ទៅកាន់អាជ្ញាធរមានសមត្ថកិច្ចខណ្ឌ ដើម្បីជួយបន្តទាក់ទងរករថយន្តពន្លត់អគ្គិភ័យជួយអន្តរាគមន៍បាញ់ពន្លត់ ដើម្បីកុំឲ្យរាលដាលដល់ផ្ទះក្បែរខាង។

អគ្គិភ័យខាងលើនេះ បានឆាបឆេះផ្ទះ ០១ ល្វែង ធ្វើពីឈើប្រក់ស័ង្កសី និងខាងមុខលក់អីវ៉ាន់ចាប់ហួយ រងការខូចខាតទាំងស្រុង។ ក្នុងនោះរថយន្តពន្លត់អគ្គិភ័យបានមកដល់ទីតាំងខាងលើជាង ១០ គ្រឿង បាញ់ពន្លត់រហូតរលត់ជាស្ថាពរ។ ដោយឡែកចំពោះមូលហេតុសមត្ថកិច្ចកំពុងធ្វើការស្រាវជ្រាវ៕

អត្ថបទ ៖ រដ្ឋា