សន្តិសុខសង្គម

នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម

បានផុស

៦ ខែ មុន

នៅ

ថ្ងៃសុក្រ ១៦ សីហា ២០២៤

ដោយ

នគរបាលខណ្ឌ ៧ មករា ត្រៀមកម្លាំងដើម្បីទប់ស្កាត់ក្រុមចលនាជ្រុលនិយម ដែលគ្រោងធ្វើបាតុកម្មប្រឆាំង និងផ្ដួលរំលំរាជរដ្ឋាភិបាល នាថ្ងៃទី ១៨ សីហា ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ១៦ ខែសីហា ឆ្នាំ ២០២៤ នេះ លោក ជុន ប៊ុនណាត អធិការ នៃអធិការដ្ឋាននគរបាលខណ្ឌ ៧ មករា បានប្រាប់ឲ្យដឹងថា លោកប្ដេជ្ញាមិនឲ្យក្រុមជ្រុលនិយម ដែលគ្រោងនឹងរៀបចំ ប៉ុនប៉ងផ្ដួលរំលំរាជរដ្ឋាភិបាលស្របច្បាប់ គឺមិនឲ្យកើតមានចលនាជ្រុលនិយមជាដាច់ខាត ដោយធានា ការពារសន្តិសុខ សុវត្ថិភាព ១០០ ភាគរយ និងរក្សាស្ថិរភាពនយោបាយ ថែរក្សាសន្តិសុខ សុវត្ថិភាពជូនប្រជាពលរដ្ឋ។

លោកបានបន្ថែមថា ប្រសិនជាមានការសង្ស័យអំពីការប្រមូលផ្ដុំ ឬ តវ៉ា នៅត្រង់ចំណុចទីតាំងណាមួយនោះ លោកនឹងបញ្ជាឲ្យកម្លាំងចាត់វិធានការឃាត់ខ្លួន ព្រមទាំងរាយការណ៍ជូនថ្នាក់ដឹកនាំភ្លាមៗ តែម្ដង៕

អត្ថបទ ៖ រដ្ឋា