ពលរដ្ឋរស់នៅក្រុងខេមរភូមិន្ទ មិនគាំទ្រដាច់​ខាត​ចំពោះសកម្មភាពដែលចង់បំផ្លាញសន្តិភាពរបស់ក្រុមជ្រុលនិយម

ពលរដ្ឋខ្មែរ-ឥស្លាម រស់នៅភូមិ៤ សង្កាត់ដងទង់ ប្រកាសមិនគាំទ្រជាដាច់ខាតចំពោះក្រុមប្រឆាំងជ្រុលនិយមដែលញុះញង់ឱ្យមានការធ្វើបាតុកម្មផ្តួលរំលំរាជរដ្ឋាភិបាលស្របច្បាប និងមានចេតនាបំផ្លាញសុខសន្តិភាព។

លោក សេន ហ៊ីម អ្នកស្រី សុំ ណាយមូណាស់ និងលោក ឡេះ ម៉ាន ជាពលរដ្ឋខ្មែរឥស្លាមរស់នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង បានឱ្យដឹងនៅថ្ងៃទី១៥ ខែសីហា ឆ្នាំ២០២៤ថា សន្តិភាពមានសារៈសំខាន់សម្រាប់ប្រជាពលរដ្ឋក្នុងសង្គមជាតិ នាពេលបច្ចុប្បន្ន ព្រោះថា សុខសន្តិភាពនេះហើយបានធ្វើប្រជាពលរដ្ឋរស់នៅប្រកបដោយសុខសាន្ត ធ្វើអាជីវកម្មរកស៊ីគ្មានព្រួយបារម្ភ និងការអភិវឌ្ឍន៍ស្ទើរគ្រប់វិស័យ។ ប៉ុន្តែបើគ្មានសន្តិភាពទេនោះ ច្បាស់ថា សង្គមជាតិនឹងពាសពេញទៅដោយអសន្តិសុខសណ្តាប់ធ្នាប់ ស្ថេរភាពនយោបាយ គ្មានការនិវិយោគទុនពីក្រៅប្រទេស និងគ្មានការអភិវឌ្ឍន៍។

តំណាងប្រជាពលរដ្ឋខ្មែរឥស្លាមដដែល ប្រកាសមិនគាំទ្រជាដាច់ខាតចំពោះក្រុមជ្រុលនិយមអគតិដែលមិនមើលឃើញពីកិច្ចប្រឹងប្រែងរបស់រាជរដ្ឋាភិបាលសព្វថ្ងៃ ដោយមួយថ្ងៃៗគិតតែចង់បំផ្លាញសនិ្តភាព និងបង្កការញុះញង់ឱ្យធ្វើបដិវត្តន៍ពណ៌ ចង់ផ្តួលរំលំរាជរដ្ឋាភិបាលស្របច្បាប់កើតចេញពីការបោះឆ្នោតរបស់ប្រជាពលរដ្ឋរាប់លាននាក់។
ម៉្យាងទៀត ពួកគាត់ក៏អំពាវនាវប្រជាពលរដ្ឋខ្មែរគ្រប់រូប កុំជឿតាមការញុះញង់របស់ក្រុមប្រឆាំងដែលនៅក្រៅប្រទេសអោយសោះពីចេតនាអាក្រក់ និងស្នើដល់រាជរដ្ឋាភិបាល អាជ្ញាធរ និងកងកម្លាំងប្រដាប់អាវុធទាំងអស់ទប់ស្កាត់ និងបង្រ្កាបក្រុមប្រឆាំងជ្រុលនិយមទាំងនោះអោយបានទាន់ពេលវេលា ចៀសវាងបណ្តោយឱ្យក្រុមទាំងធ្វើសកម្មភាពខុសច្បាប់តាមតែចង់របស់ពួកគេ។

ទន្ទឹមនោះ ពលរដ្ឋខ្មែរឥស្លាម ភូមិ៤ ស្នើដល់អាជ្ញាធរសមត្ថកិច្ចមានវិធានការបង្រ្កាបក្រុមជ្រុលនិយមប្រឆាំងដែលចង់ប៉ុនប៉ងធ្វើសកម្មភាពផ្តួលរំលំរាជរដ្ឋាភិបាលស្របច្បាប់។ ហើយប្រកាសគាំទ្រពេញទំហឹងចំពោះខ្លឹមសារបកស្រាយបំភ្លឺជាច្រើនដ៏ថ្លៃថ្លារបស់សម្តេចតេជោ ហ៊ុន សែន ប្រធានព្រឹទ្ឋសភា ជុំវិញរឿងការអភិវឌ្ឍន៍តំបន់ត្រីកោណកម្ពុជា ឡាវ វៀតណាម៕

អត្តបទ៖ សិរីវឌ្ឍនៈ