ខេត្តតាកែវ មានសភាពស្ងប់ស្ងាត់ធម្មតា ពលរដ្ឋធ្វើដំណើរកម្សាន្តថ្ងៃអាទិត្យយ៉ាងរីករាយ

ទូទាំងខេត្តតាកែវ មានសភាពស្ងប់ស្ងាត់ធម្មតា ពលរដ្ឋធ្វើដំណើរកម្សាន្តថ្ងៃអាទិត្យយ៉ាងរីករាយ នេះបើតាមការបញ្ជាក់ពី លោកឧត្តមសេនីយ៍ត្រី សៅ សារុន ស្នងការរង និងអ្នកនាំពាក្យស្នងការដ្ឋាននគរបាលខេត្តតាកែវ នៅវេលាម៉ោង១១ព្រឹក ថ្ងៃទី១៨ ខែសីហា ឆ្នាំ២០១៤។ លោកបានបញ្ជាក់ថា គិតត្រឹមម៉ោងនេះ​សភាពការណ៍ស្ងប់ស្ងាត់​ ប្រជាពលរដ្ឋប្រកបមុខរបររកស៊ីធម្មតា ។

លោកឧត្តមសេនីយ៍ត្រី សៅ សារុន បានបន្ថែមថា ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ម៉ែន លី ស្នងការនគរបាលខេត្ត បានធ្វើការដាក់កម្លាំងយាមប្រចាំការ២៤ម៉ោង លើ២៤ម៉ោង នៅតាមគោលដៅសំខាន់ៗនានា ដើម្បីត្រៀមបង្ការទប់ស្កាត់ និងបង្ក្រាបក្រុមប្រឆាំង ប្រើឧបាយកលប្រឆាំងប្រឌិតព័ត៌មាន ប្រើលេសបាត់បង់ទឹកដី កៀរគរមនុស្សឱ្យតវ៉ាប្រឆាំងរឿងទឹកដី រួចគេបង្វែរទៅជាអំពើហិង្សាឆ្លៀតឱកាស ឆក់ប្លន់លួច និងផ្តួលរំលំរាជរដ្ឋាភិបាលដែលកើតឡើងតាមលទ្ធិប្រជាធិបតេយ្យសេរីពហុបក្ស និងការពារសន្តិសុខជូនប្រជាពលរដ្ឋក្នុងខេត្ត ការពារទ្រព្យសម្បត្តិ អាយុជីវិតប្រជាជន និងការពារផលប្រយោជន៍ជាតិ រាជរដ្ឋាភិបាលដែលកំពុងដឹកនាំប្រទេសដោយសម្តេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា៕

អត្ថបទ៖ វីរៈ