សន្តិសុខសង្គម
ស្នងការខេត្តកោះកុង កំពុងអនុវត្តនីតិវិធីលើសំណុំរឿងអធិការរងស្រុកគិរីសាគរម្នាក់បាញ់បោះក្នុងវង់ផឹកស៊ី
ស្នងការដ្ឋាននគរបាលខេត្តកោះកុង កំពុងអនុវត្តនីតិវិធីច្បាប់ទៅលើលោកអធិការរងស្រុកគិរីសាគរម្នាក់ដែលបានផឹកស៊ីបាញ់បោះសេរី ក្នុងអំឡុងពេលមានការយកចិត្តទុកដាក់លើវិធាការថែរក្សាសន្តិសុខសណ្តាប់ធ្នាប់។
![](https://www.kampucheathmey.com/wp-content/uploads/2024/08/photo_2024-08-21_10-37-27.jpg)
លោក ស សារ៉ាត់ ស្នងការរងនៃស្នងការដ្ឋាននគរបាលខេត្តកោះកុង បានបញ្ជាក់ប្រាប់ កម្ពុជាថ្មី នៅថ្ងៃទី២១ ខែសីហា ឆ្នាំ២០២៤ថា លោកវរៈសេនីយ៍ទោ ហ៊ុម សារឺន អធិការរងនៃអធិការដ្ឋាននគរបាលស្រុកគិរីសាគរ បាននិងកំពុងសាកសួរ ប្រមូលភស្តុតាង និងអនុវត្តនីតិវិធីច្បាប់ ក្រោយពីធ្វើសកម្មភាពផឹកស៊ីជួបជុំគ្នានៅអាហារដ្ឋានមួយកន្លែងស្ថិតនៅទំនប់ទឹកអូរជើងស៊ន ភូមិពាមកាយ ឃុំកោះស្តេច កាលពីយប់ម៉ោង១៩និង៣០នាទីថ្ងៃទី១៧ ខែសីហា កន្លងទៅ។
លោកស្នងការរងខេត្តបន្តថា ជនសង្ស័យដែលមានតួនាទីជាអធិការរងស្រុកឈ្មោះ ហ៊ុម សារឺន ក៏បានឆ្លើយសារភាពផងដែរថា ខ្លួនពិតជាបានបាញ់បោះចំនួន៤គ្រាប់ប្រាកដមែន ដោយសារតែផឹកស្រាស្រវឹងបាត់បង់ស្មារតី ស្របពេលមិនគ្មានទំនាស់អ្វីជាមួយអ្នកជួបជុំគ្នាឡើយ ចំពេលដែលជាថ្ងៃខួបកំណើតរបស់គាត់។ ទោះជាយ៉ាងណា លោកស្នងការរងនគរបាលខេត្ត ក៏បានសុំគោលការណ៍ពីថ្នាក់ដឹកនាំនៃអគ្គស្នងការនគរបាលជាតិ ហើយថែមទាំងបានចាត់កម្លាំងជំនាញចុះស៊ើបអង្កេតនៅទីតាំងកើតហេតុជាថ្មីម្តងទៀត។
![](https://www.kampucheathmey.com/wp-content/uploads/2024/08/photo_2024-08-21_10-37-38.jpg)
គួរកត់សម្គាល់ថា សកម្មភាពផឹកស៊ីបាញ់បោះសេរីដោយសារអំណាចឥទ្ធិពលគ្រឿងស្រវឹងរបស់លោកឈ្មោះ ហ៊ុម សារឺន គឺចំពេលដែលរដ្ឋាភិបាលបានប្រកាសអាសន្នចំណុចខ្ពស់នៅថ្ងៃទី១៧ និង១៨ខែសីហា ឆ្នាំ២០២៤ បន្ទាប់ពីក្រុមជ្រុលនិយមមួយចំនួនតូចបានបង្កើតគ្រុប telegram និងគ្រុបផ្សេងៗទៀតក្នុងបណ្តាញសង្គម ដើម្បីកៀរគរគ្នាចូលរួមធ្វើបាតុកម្មក្នុងគោលបំណងផ្តួលរំលំរដ្ឋាភិបាលស្របច្បាប់។
![](https://www.kampucheathmey.com/wp-content/uploads/2024/08/photo_2024-08-21_10-37-31.jpg)
អំឡុងពេលនោះហើយដែលកងកម្លាំងប្រដាប់អាវុធក្នុងខេត្តកោះកុង ក៏ដូចជាទូទាំងប្រទេស ត្រៀមប្រចាំការ២៤ម៉ោងដើម្បីការពារថែរក្សាសន្តិសុខសណ្តាប់ធ្នាប់ និងទប់ស្កាត់បក្ខពួកជ្រុលនិយមទាំងនោះដែលបានចាញ់បោក ឃោសនាពួកប្រឆាំងដែលរស់នៅក្រៅស្រុក។ ប៉ុន្តែជាបែរលោកអធិការរងនគរបាលស្រុកគិរីសាគរ ខាងលើ យកពេលវេលាទៅជួបជុំគ្នាផឹកស៊ីសប្បាយបាត់ម្ចាស់ការចំពោះបទបញ្ជាតួនាទីភារកិច្ចរបស់ខ្លួនដែលប្រគល់ដោយថ្នាក់ដឹកនាំខេត្ត។
![](https://www.kampucheathmey.com/wp-content/uploads/2024/08/photo_2024-08-21_10-37-34.jpg)
បើយោងតាមការចុះផ្សាយរបស់សារព័ត៌មានមួយចំនួន បង្ហាញថា លោក ហ៊ុម សារឺន បានអង្គុយផឹកស៊ីមានគ្នា៤នាក់ក្នុងនោះក៏មានជនជាតិចិនផងដែរ តែមិនដឹងជាមានរឿងអ្វីស្រាប់តែលោក ហ៊ុម សារឺន បានដកកាំភ្លើងម៉ាកឡុកបាញ់ឡើងទៅលើចំនួន៥គ្រាប់ ហើយដើរច្រង៉េងច្រង៉ាង ពេញហាងដោយមិនតក់ស្លត់មិនភ័យខ្លាចអ្វីទាំងអស់។ យ៉ាងណាមិញ ព័ត៌មាននេះទើបតែផ្ទុះផ្សព្វផ្សាយដឹងដល់ថ្នាក់ដឹកនាំក្រសួងមហាផ្ទៃ អគ្គស្នងការនគរបាលជាតិ និងប្រជាពលរដ្ឋនៅថ្ងៃទី២០ ខែសីហា៕
អត្តបទ៖ រីវឌ្ឍនៈ
![](https://www.kampucheathmey.com/wp-content/uploads/2024/08/photo_2024-08-21_10-37-41.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៤ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៤ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច