ប៉ុស្តិ៍នគរបាលសង្កាត់ទាំង៦ក្នុងមូលដ្ឋានខណ្ឌសែនសុខបន្តផ្តល់សេវាបំពេញបែបបទថតអត្តសញ្ញាណប័ណ្ណសញ្ជាតិខ្មែរជូនពលរដ្ឋ

ប៉ុស្តិ៍នគរបាលរដ្ឋបាលសង្កាត់ទាំង៦ ក្នុងមូលដ្ឋានខណ្ឌសែនសុខ ខិតខំពន្លឿនបន្តផ្តល់សេវាការងារបំពេញបែបបទថតអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋ និងបានចែកអត្តសញ្ញាណប័ណ្ណ មិនតែប៉ុណ្ណោះដើម្បីបង្កឲ្យមានលក្ខណៈងាយស្រួលដល់ប្រជាពលរដ្ឋ កម្លាំងប៉ុស្តិ៍នគរបាលរដ្ឋបាល បាននាំយកទៅប្រគល់ជូនដល់ខ្នងផ្ទះ។

កន្លងមក លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជំរុញឱ្យអគ្គនាយកដ្ឋានអត្តសញ្ញាណកម្ម សិក្សាតាមបណ្តាច្រកចេញចូលតែមួយ ដើម្បីជំរុញការផ្តល់សេវាធ្វើអត្តសញ្ញាណបណ្ណ ជូនប្រជាពលរដ្ឋឱ្យបានឆាប់រហ័ស ជាពិសេសពិនិត្យលទ្ធភាពបន្ថែមទៀត ដើម្បីឈានទៅពង្រឹងគុណភាពនៃផ្តល់សេវាជូនប្រជាពលរដ្ឋ។

គួរជម្រាបជូនថា អត្តសញ្ញាណប័ណ្ណសញ្ជាតិខ្មែរ ជាប័ណ្ណសម្រាប់សម្គាល់បុគ្គលម្នាក់ៗមានសញ្ជាតិជាខ្មែរ អត្តសញ្ញាណប័ណ្ណសញ្ជាតិខ្មែរមានសារៈសំខាន់ និងសារៈប្រយោជន៍ ដើម្បីប្រជាជនយកទៅប្រើប្រាស់បំពេញសំណុំឯកសារផ្សេងៗ តាមផ្លូវច្បាប់៕

អត្ថបទ៖ ម៉េង