សន្តិសុខសង្គម
Update៖ ករណីអគ្គិភ័យឆេះនៅជិតផ្សារលូប្រាំ ខូចខាតផ្ទះមួយខ្នង និងសម្ភារៈទាំងស្រុង រួមទាំងរថយន្ដមួយគ្រឿង
ករណីអគ្គិភ័យដែលឆាបឆេះផ្ទះពលរដ្ឋនៅជិតផ្សារលូប្រាំ តាមបណ្ដោយផ្លូវវេងស្រេង ត្រូវបានកម្លាំងសមត្ថកិច្ចគ្រប់គ្រងពន្លត់រលត់ជាស្ថាបពរដោយមិនមានការរាលដាលដល់ផ្ទះពលរដ្ឋនៅក្បែរនោះឡើយ។ តែក្នុងករណីនេះបណ្ដាលផ្ទះកើតហេតុ រួមទាំងសម្ភារៈលក់ដូរ និងរថយន្ដមួយគ្រឿងត្រូវអគ្គិភ័យលេបត្របាក់ទាំងស្រុង។
ក្នុងប្រតិបត្តិការអន្តរាគមន៍ កម្លាំងសមត្ថកិច្ចបានប្រើបា្រស់រថយន្ដពន្លត់អគ្គិភ័យចំនួន១៥គ្រឿង ប្រើប្រាស់ទឹកអស់ចំនួន ៤៥ឡាន ក្នុងនោះមានរថយន្តពន្លត់របស់កងរាជអាវុធហត្ថ រថយន្តរបស់ស្នងការរាជធានី រថយន្តសួន ឧស្សហកម្មកាណាឌីយ៉ា រថយន្តជំនួយស្រាបៀរកម្ពុជា រថយន្តពន្លត់ របស់កងទ័ពពិសេស ៩១១ បានមកដល់ទីតាំងខាងលើ បាញ់ពន្លត់រហូតរលត់ជាស្ថាពរ។ ចំពោះមូលហេតុ ក្រោយសមត្ថកិច្ចជំនាញស្រាវជ្រាវនឹងសន្និដ្ឋានថា គឺបណ្តាលមកពីឆ្លងចរន្តអគ្គិសនី។
សូមជម្រាបថា ករណីអគ្គិភ័យនេះបានបង្កការភ្ញាក់ផ្អើលនៅវេលាម៉ោង៩និង២០នាទីព្រឹកថ្ងៃទី២២ ខែសីហា ឆ្នាំ២០២៤ នៅតាមបណ្តោយផ្លូវវេងស្រេង ជិតផ្សារលូប្រាំ ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
បើតាមប្រភពពីពលរដ្ឋបានអោយដឹងថា មុនកើតហេតុ គេឃើញមានផ្សែងហ៊ុយចេញពីផ្ទះលក់ភេសជ្ជៈបោះដុំ យីហោ ម៉ាក់ ស្រីពេជ្រ ស្របពេលនោះដែរ ក៏មានឮសម្លេងផ្ទុះជាច្រើនដងចេញពីក្នុងផ្ទះខាងលើ។ ភ្លាមៗអ្នកនៅជិតកន្លែងកើតហេតុបាននាំគ្នាយកបំពង់ពន្លត់អគ្គិភ័យមកបាញ់តែមិនរលត់ក៏លេចមានអណ្តាតភ្លើងឆាបឆេះយ៉ាងសន្ធោសន្ធៅកាន់តែខ្លាំងឡើងៗ ធ្វើអោយប្រជាពលរដ្ឋពិបាកជួយក្នុងការពន្លត់ក៏រាយការណ៍ជូនសមត្ថកិច្ចមូលដ្ឋាន ដើម្បីបន្តទាក់ទងទៅសមត្ថកិច្ចជំនាញអគ្គិភ័យមកជួយអន្តរាគមន៍បាញ់ពន្លត់។
សូមបញញ្ជាក់បន្ថែមថា ផ្ទះដែលត្រូវអគ្គិភ័យឆាបឆេះខាងលើ ជាផ្ទះលក់ដូរបោះដុំសម្ភារៈប្រើប្រាស់ ធ្វើអំពីថ្ម ប្រក់សង្ក័សី ទំហំ ១០ម៉ែត្រ គុណ ១៦ម៉ែត្រ មានឈ្មោះ ហួរ ថៃអេង ភេទប្រុស អាយុ៥៥ឆ្នាំ ជនជាតិ ខ្មែរ៕
អត្ថបទ៖ ម៉េង
-
ព័ត៌មានជាតិ៤ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៦ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៧ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ១ សប្តាហ៍ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានជាតិ២ ថ្ងៃ ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម៦ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
សន្តិសុខសង្គម៤ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
វប្បធម៌ ជំនឿ១ សប្តាហ៍ ago
តំណម ៩ ប្រការ ហាមធ្វើដាច់ខាតក្នុងថ្ងៃសែនក្បាលទឹកក្នុងឆ្នាំ ២០២៤ នេះ