សន្តិសុខសង្គម
អ្នកនាំពាក្យ៖ ករណីបាញ់ប្រហារនៅខណ្ឌដង្កោ ជាអំពេីឃាតកម្ម
ករណីបាញ់ប្រហារជនរងគ្រោះក្នុងហេតុការណ៍គ្រោះថ្នាក់ចរាចរណ៍នៅខណ្ឌដង្កោ កាលពីយប់មិញសមត្ថកិច្ចអះអាងថា គឺជាអំពេីឃាតកម្ម។ នេះបេីតាមការបញ្ជាក់ពីលោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ ប្រាប់ កម្ពុជាថ្មី នៅព្រឹកថ្ងៃទី២៨សីហានេះ។ លោក សំ វិច្ឆិកា បន្ថែមថា ក្នុងករណីនេះមានជនរងគ្រោះពីរនាក់ជាជនជាតិខ្មែរម្នាក់ និងជនជាតិចិនម្នាក់។ លោកបន្ថែមថា ជនរងគ្រោះជាជនជាតិខ្មែរបានស្លាប់ពេលបញ្ជូនដល់មន្ទីរពេទ្យលោកសង្ឃ។
អ្នកនាំពាក្យរូបនេះបញ្ជាក់បន្ថែមថា ករណីនេះរថយន្ដម៉ាកford ពណ៌សបេីកបុករថយន្ដMercedes ពណ៌ខ្មៅក្នុងទិសដៅបញ្ច្រាសគ្នា ហេីយក៏មានរថយន្ដមួយគ្រឿងទៀតម៉ាក ឡង់គ្រីស័រ ដែលជាបក្ខពួករបស់រថយន្ដម៉ាក ford មានទាំងកាំភ្លេីងវែង ខ្លី បានបាញ់សំដៅលេីរថយន្ដMercedes ជាច្រើនគ្រាប់បណ្ដាលឲ្យមនុស្សពីរនាក់ក្នុងរថយន្ដMercedes របួសធ្ងន់។
ទោះបីយ៉ាងណា ជុំវិញករណីនេះ លោកនៅមិនទាន់បញ្ជាក់លំអិតនៅឡើយទេ ខណៈកម្លាំងជំនាញកំពុងស្រាវជ្រាវយ៉ាងយកចិត្តទុកដាក់ដើម្បីកំណត់មុខសញ្ញាឈានដល់ការឃាត់ខ្លួនក្រុមជនសង្ស័យយកមកអនុវត្តនីតិវិធីច្បាប់។
សូមរំលឹកថា ករណីបាញ់ប្រហារលើជនរងគ្រោះជាច្រើនគ្រាប់នេះ បានកើតឡើងកាលពីវេលាម៉ោងជាង១០យប់ ថ្ងៃទី២៧ ខៃសីហា នៅផ្លូវលេខ១០៤ ក្នុងមូលដ្ឋានសង្កាត់រលួស ខណ្ឌដង្កោ រាជធានីភ្នំពេញ។ ជនរងគ្រោះម្នាក់ជាជនជាតិខ្មែរបានបាត់បង់ជីវិតពេលបញ្ជូនដល់មន្ទីរពេទ្យ ខណៈម្នាក់ទៀតជាជនជាតិចិនកំពុងសង្គ្រោះបន្ទាន់៕
អត្ថបទ៖ សុខុម
-
សេដ្ឋកិច្ច៥ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៦ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៦ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៥ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សន្តិសុខសង្គម៣ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៣ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៦ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍
-
ព័ត៌មានជាតិ៦ ថ្ងៃ ago
រាល់ចុងសប្ដាហ៍ ពីខែកញ្ញា-ធ្នូ រដ្ឋនឹងដឹកពលរដ្ឋ ផ្ដល់អាហារឥតគិតថ្លៃ ទៅមើលខេត្តនៃគម្រោង CLV ដើម្បីដឹងរឿងពិត