សន្តិសុខសង្គម

ចៅក្រមសម្រេចចេញដីកាឃុំខ្លួនជនជាតិវៀតណាមម្នាក់ពីបទ ធ្វើចរាចរណ៍អាវុធសម្រាប់ប្រហារផ្សេងៗ

បានផុស

៥ ខែ មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

ចៅក្រមស៊ើបសួរនៃសាលាដំបូងរាជធានីភ្នំពេញ កាលពីថ្ងៃទី២៧ ខែសីហា ឆ្នាំ២០២៤ បានចេញដីកាបង្គាប់ឲ្យឃុំខ្លួនជនសង្ស័យជាជនជាតិវៀតណាមម្នាក់ពីបទ ធ្វើចរាចរណ៍អាវុធសម្រាប់ប្រហារផ្សេងៗ (អាវុធជំពាមកែច្នៃបាញ់គ្រាប់ដែក) តាមមាត្រា៤៨៩ នៃក្រមព្រហ្មទណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមដីកាបង្គាប់ ភ្នាក់ងារមានសមត្ថកិច្ចនៃកម្លាំងសាធាណៈ ត្រូវនាំខ្លួនជនជាប់ចោទឈ្មោះ Do Hoang Viet ភេទប្រុស អាយុ៤៣ឆ្នាំ ជនជាតិវៀតណាម ទៅប្រធានមណ្ឌល់អប់រំកែប្រែទី១(ម១) ដោយអនុវត្តឲ្យបានត្រឹមត្រូវតាមច្បាប់។

សូមជម្រាបថា ជនសង្ស័យជនជាតិវៀតណាមឈ្មោះ Do Hoang Viet ជាម្ចាស់ក្រុមហ៊ុន CamShip Express ត្រូវបានកម្លាំងសមត្ថកិច្ចចុះបង្ក្រាបបានកាលពីថ្ងៃទី២២ ខែសីហា ឆ្នាំ២០២៤ នៅផ្ទះលេខ១១ ផ្លូវ៣១BTសង្កាត់បឹងទំពុន ខណ្ឌមានជ័យ រាជធានីភ្នំពេញ បន្ទាប់ពីជនសង្ស័យរូបនេះបានបង្ហោះផ្សព្វផ្សាយលក់អាវុធជំពាមកែច្នៃបាញ់គ្រាប់ដែក តាមបណ្តាញសង្គមហ្វេសប៊ុកឈ្មោះ D-Store។

ក្នុងប្រតិបត្តិការបង្ក្រាប សមត្ថកិច្ចជំនាញបានរកឃើញ និងដកហូតសម្ភារៈជាគ្រឿងបង្គុំអាវុធកែច្នៃ មួយចំនួនរួមមាន កាំភ្លើង អាវុធជំពាមកែច្នៃបាញ់គ្រាប់ដែក ខ្សែកៅស៊ូ ឧបករណ៍គ្រឿងបង្គុំ និងគ្រាប់លោហៈដែកមួយចំនួនធំ៕

អត្ថបទ៖ សំណាង