អាជ្ញាធរសង្កាត់ចោមចៅទី៣ចុះសម្អាតបរិស្ថាន​លេីដងផ្លូវជាតិលេខ៤

ដោយឃេីញនៅលេីកំណាត់ផ្លូវជាតិលេខ៤​ ពីចំណុចគល់ស្ពានអាកាសចោមចៅរហូតទៅដល់ស្ពានអាកាសក្រវ៉ាត់ក្រុងក្នុងមូលដ្ឋានសង្កាត់ចោមចៅទី៣​ ខណ្ឌពោធិ៍សែនជ័យ ពោរពេញដោយកំណកដីធ្វេីឱ្យប៉ះពាល់ដល់បរិស្ថាន​ គ្មានសោភ័ណ្ឌភាព​ អនាម័យ​ នៅរសៀលថ្ងៃទី២​ ខែកញ្ញា​ ឆ្នាំ២០២៤នេះ​ លោក​ វ៉ា​ សា​វឿន​ ចៅសង្កាត់​ចោមចៅទី៣ បាបដឹកនាំមន្ត្រីចុះសម្អាតបរិស្ថាន(ឈូសគៀដី)ឱ្យមានសភ័ណ្ឌភាពល្អ។

លោក​ វ៉ា​ សាវឿន​ ចៅសង្កាត់ចោមចៅទី៣​ បានប្រាប់ឱ្យដឹងថា​ ដោយ​មួយរយៈនេះមេឃធ្លាក់ភ្លៀងស្ទេីររៀងរាល់ថ្ងៃធ្វេីឱ្យយានយន្តគ្រប់ប្រភេទដែលបេីកបរឆ្លងកាត់ផ្លូវលំហេីយ​មានដីស្អិតជាប់កង់​ និងបន្តមកបេីកបរឆ្លងកាត់ផ្លូវជាតិលេខ៤​ ធ្លាក់លេីដងផ្លូវកកក្តាំងជាប់ចិញ្ចេីមផ្លូវ ជាពិសេសក្រុមរថយន្តដឹកខ្សាច់ដែលដឹកលេីសចំណុះ។

ជាមួយគ្នានោះដែរ​ លោក​ចៅសង្កាត់ក៏បានសំណូមពរដល់ប្រជាពលរដ្ឋទាំងអស់មេត្តាជួសថែរក្សាបរិស្ថានទាំងអស់គ្នាឱ្យបានស្អាត៕

អត្ថបទ៖ សុខា