សន្តិសុខសង្គម
សំណុំរឿងបើករថយន្តបុករួចបាញ់រះស្លាប់មន្ត្រីនគរបាលម្នាក់ និងជនជាតិចិនម្នាក់របួសធ្ងន់ បានបញ្ជូនដល់តុលាការហើយ
សំណុំរឿងខ្មាន់កាំភ្លើង ១ ក្រុម សង្ស័យស៊ីឈ្នួលសម្លាប់មនុស្ស តាមរូបភាពបើករថយន្តបំបុក ហើយបាញ់រះបណ្ដាលឲ្យស្លាប់មន្ត្រីនគរបាលម្នាក់ និងជនជាតិចិនរបួសធ្ងន់ម្នាក់ នៅខណ្ឌដង្កោ រាជធានីភ្នំពេញ នៅថ្ងៃទី ០៤ ខែកញ្ញា ឆ្នាំ ២០២៤ នេះ កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជូនជនសង្ស័យទៅដល់តុលាការហើយ បន្ទាប់ពីនគរបាលបញ្ចប់កិច្ចសហការ ស្រាវជ្រាវ លើករណីខាងលើនេះដោយគ្រប់ជ្រុងជ្រោយ។
សំណុំរឿងនោះត្រូវបានគេដឹងថា មានជនសង្ស័យជាជនជាតិចិនចំនួន ៣ នាក់ ជាប់សង្ស័យពីបទ.ឃាតកម្មគិតទុកជាមុន និងបង្ខាំងមនុស្សដោយខុសច្បាប់ ដែលកំពុងស្ថិតនៅ លោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញបើកការស៊ើបសួរ។
ក្រោមកិច្ចសហប្រតិបត្តិការ កាលពីថ្ងៃទី ២៨ ខែសីហា ឆ្នាំ ២០២៤ កន្លងទៅ កម្លាំងជំនាញស្នងការដ្ឋាននគរបាលខេត្តព្រះវិហារ ជាមួយកម្លាំងអធិការដ្ឋាននគរបាលស្រុកត្បែងមានជ័យ ស្រុកឆែប បានស្រាវជ្រាវបង្ក្រាប និងឃាត់ខ្លួនមុខសញ្ញាសង្ស័យ ពាក់ព័ន្ធករណីឃាតកម្មចំនួន ២ នាក់ ដែលសុទ្ធតែជនជាតិចិន ក្នុងនោះមានម្នាក់ឈ្មោះ ZHAO WENXING ភេទប្រុស អាយុ ៤០ ឆ្នាំ និងម្នាក់ឈ្មោះ SHI WEIHUA ភេទប្រុស អាយុ ៣៨ ឆ្នាំ ស្ថិតនៅចំណុចអូរឈើទាល ភូមិសាស្ត្រភូមិកំពង់ស្រឡៅ ឃុំកំពង់ស្រឡៅ ១ ស្រុកឆែប ខេត្តព្រះវិហារ ដោយមានការសហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ។ ពេលចាប់ខ្លួន ជនសង្ស័យ និងវត្ថុតាង ត្រូវបានប្រគល់ឲ្យទៅនាយកដ្ឋាននគរបាលព្រហ្មទណ្ឌ ដើម្បីបន្តនីតិវិធី ទើបស្រាវជ្រាវឃាត់ខ្លួនបក្ខពួកម្នាក់ទៀត។
ចំណែកវត្ថុតាង និងសម្ភារៈចាប់យករួមមាន ៖ រថយន្ត ១ គ្រឿង ម៉ាកឡង់គ្រីស័រ ពណ៌ស ពាក់ស្លាកលេខ ភ្នំពេញ ២AQ-៦១១០ ,ស្លាកលេខចំនួន ២ (ភ្នំពេញ ២BL-៦៧៣៣) ,ទូរស័ព្ទដៃ ១ គ្រឿង ,បង់អាវុធ ២ ,គ្រាប់អាវុធ ១ ,លិខិតឆ្លងដែន ១, ខ្សែចំណង ១ ដុំ, ប្រាក់យ័ន ចំនួន ២០០ យ័ន ,ប្រាក់រៀល ១៩ ០០០ រៀល, កាតធនាគារ ១៦ ,កាត់សម្គាល់ខ្លួន ៣, ប័ណ្ណបើកបរ ២, កាបូបដាក់ប្រាក់ ពណ៌ខ្មៅ ១, កាបូបស្ពាយ ពណ៌ខៀវ ១, មួក ៤ និងខោជើងវែងពណ៌ខ្មៅ ១ គូ។
សូមជម្រាបថា កាលពីថ្ងៃទី ២៩ ខែសីហា ឆ្នាំ ២០២៤ កម្លាំងសហការ បានបន្តស្រាវជ្រាវរកឃើញអាវុធ ១ ដើមទៀត ម៉ាក RADIANRAPTOR ពណ៌ខ្មៅ នៅចំណុចស្នាមភ្លោះក្បែរផ្លូវជាតិលេខ ៩៤ ក្នុងភូមិសាស្ត្រភូមិកំពង់ស្រឡៅ ឃុំកំពង់ស្រឡៅ ១ ស្រុកឆែប ខេត្តព្រះវិហារ ដែលពាក់ព័ន្ធករណី ឃាតកម្ម កាលពីថ្ងៃទី ២៧ ខែសីហា ឆ្នាំ ២០២៤ ចំណុចខាងលិចសាលាសង្កាត់រលួស ផ្លូវ ១០៤ ភូមិក្រពើទ្រោម សង្កាត់រលួស ខណ្ឌដង្កោ រាជធានីភ្នំពេញ។ ជនសង្ស័យទាំង ២ នាក់ និងវត្ថុតាង ត្រូវបានប្រគល់ជូនទៅសមត្ថកិច្ច នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីបន្តនីតិវិធី៕
អត្ថបទ ៖ មករា
មេ Facebook បរិច្ចាគ១លានដុល្លារដល់មូលនិធិ លោកTrump ដើម្បីផ្សះផ្សារឿងកន្លងហួស
អ៊ីស្រាអែលវាយប្រហារចំក្បួនរថយន្តដឹកជំនួយបណ្តាលឱ្យស្លាប់១២នាក់នៅហ្គាហ្សា
ឆ្នាំ២០២៥ ខាងមុខនេះ កសិដ្ឋានចិញ្ចឹមគោសាច់មួយនៅបាត់ដំបង គ្រោងទិញគោពីកសិករប្រមាណជាង ១ម៉ឺនក្បាល
ការវាយប្រហារដោយអាវុធនៅថៃបណ្តាលឲ្យស្លាប់៣នាក់នៅខេត្ត Prachin Buri
អតីតខ្សែការពារ Liverpool ជឿថា Arnold នឹង បន្ដនៅជាមួយក្លិប
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
តើគ្រូ និងកីឡាករសិង្ហបុរី និយាយអ្វីខ្លះពីការប្រកួតឈ្នះ កម្ពុជា យប់មិញ?
មជ្ឈមណ្ឌលអេដស៍ ស្នើទំព័រហ្វេសប៊ុក ឬវេទិការផ្សាយព័ត៍មានករណីជំងឺអេដស៍នៅខេត្តតាកែវលុបចេញជាបន្ទាន់
អ៊ុយក្រែន បាញ់ ATACMS ចូលដីរុស្ស៊ីទៀត ខណៈអាមេរិក ព្រមានឲ្យទីក្រុងកៀវ ត្រៀមទទួលការសងសឹកវិញ
ឆ្នាំ២០២៥ វិស័យឧស្សាហកម្ម និងសេវាកម្មរបស់កម្ពុជានៅតែមានភាពធន់ខ្លាំងជួយបង្កើតឱកាសការងារកាន់តែច្រើន
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ២ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានអន្ដរជាតិ១ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៣ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៤ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍៣ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់