សន្តិសុខសង្គម

បាក់ដងសន្ទូចរថយន្តស្ទូចដែកសង្កត់លើកម្មករម្នាក់ របួសធ្ងន់

បានផុស

៧ ខែ មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

បុរសជាកម្មករម្នាក់ ខណៈបញ្ជារថយន្តស្ទូចលើកដែកដាក់លើរថយន្ត ស្រាប់តែបាក់ដងសន្ទូចសង្កត់ពីលើ បណ្ដាលឲ្យរងរបួសធ្ងន់ ត្រូវបានកងសង្គ្រោះបន្ទាន់ ៧១១ កងពលតូចលេខ ៧០ ដឹកទៅមន្ទីរពេទ្យភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១០ និង ០៥ នាទីព្រឹក ថ្ងៃទី ០៥ ខែកញ្ញា ឆ្នាំ ២០២៤ នៅភូមិអង្គ សង្កាត់ប្រទះឡាង ខណ្ឌកំបូល។

ជនរងគ្រោះឈ្មោះ ឌិន ដូ ភេទប្រុស អាយុ ៣១ ឆ្នាំ រងរបួសបាក់ឆ្អឹងជំនីខាងស្ដាំ និងបាក់ដៃខាងឆ្វេង មានទីលំនៅរស់នៅភូមិស្លែង ឃុំក្ដីដូង ស្រុកកំពង់ស្វាយ ខេត្តកំពង់ធំ។

តាមប្រភពព័ត៌មានបានឲ្យដឹងថា មុនពេលកើតហេតុបុរសម្នាក់បានបើករថយន្តស្ទូចចូលទៅក្នុងរោងចក្រដែកមួយកន្លែង ដើម្បីស្ទូចដែក(ដែកឆ្អឹងចាក់បេតុង) ដាក់លើរថយន្ត ខណៈកំពុងស្ទូចស្រាប់តែបាក់ដងសន្ទូចមកសង្កត់បណ្តាលឲ្យរងរបួសបាក់ឆ្អឹងជំនីខាងស្ដាំ និងបាក់ដៃខាងឆ្វេង។

ក្រោយកើតហេតុ ជនរងគ្រោះត្រូវបានរថយន្តសង្គ្រោះរបស់អង្គភាព ៧១១ កងពលតូចលេខ ៧០ ដឹកបញ្ជូនទៅមន្ទីរពេទ្យព្រះកុសុមៈ ដើម្បីសង្គ្រោះ៕

អត្ថបទ ៖ សុខា