សន្តិសុខសង្គម

កុងទ័រទឹក មួយកន្លែង ត្រូវក្រុមចោរលួចដោះយកបាត់ ម្ចាស់ផ្ទះគ្មានទឹកប្រើប្រាស់មួយយប់

បានផុស

៥ ខែ មុន

នៅ

ថ្ងៃសុក្រ ៦ កញ្ញា ២០២៤

ដោយ

នាឡិកាកុងទ័រទឹករបស់រដ្ឋ មួយកន្លែង នៅខណ្ឌទួលគោក ត្រូវបានក្រុមចោរលួចដោះយកទៅបាត់ ម្ចាស់ផ្ទះគ្មានទឹកប្រើប្រាស់មួយយប់ ធ្វើឲ្យទឹកហូរហៀរពេញផ្លូវចូលផ្ទះអ្នកជិតខាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ២ យប់ រំលងអធ្រាត្រ ថ្ងៃទី ៦ ខែកញ្ញា ឆ្នាំ ២០២៤ ស្ថិតតាមបណ្ដោយផ្លូវ ២៣៣ កែងនឹងផ្លូវលំ សង្កាត់ផ្សារដេប៉ូ ២ ខណ្ឌទួលគោក រាជធានីភ្នំពេញ។

បើតាមប្រភពពីម្ចាស់ផ្ទះបានឲ្យដឹងថា កាលពីយប់មិញ គាត់បានឮសំឡេងឆ្កែព្រុស ក៏ងើបមើល រួចក៏ចូលបន្ទប់ទឹកបត់ជើង ហើយបើកទឹក តែមិនមានទឹកចេញ គាត់សង្ស័យថា ប្រហែលមានចោរលួចដោះកុងទ័រទឹកផ្ទះរបស់គាត់។ ភ្លាមៗ នោះ គាត់បានទំនាក់ទំនងទៅកាន់រដ្ឋាករទឹក ដើម្បីឲ្យមកចុះបិទទឹកជាបណ្ដោះអាសន្នសិន កុំឲ្យទឹកហូរចូលផ្ទះអ្នកជិតខាង។ លុះព្រឹកឡើង ទើបមន្ត្រីជំនាញរបស់រដ្ឋាករទឹកចុះទៅដាក់កុងទ័រថ្មីជូនម្ចាស់ផ្ទះវិញ។

ពាក់ព័ន្ធករណីខាងលើនេះ ប្រជាពលរដ្ឋ បានស្នើសុំឲ្យអាជ្ញាធរមានសមត្ថកិច្ច មេត្តាជួយស្រាវជ្រាវរកមុខក្រុមចោរដែលដោះកុងទ័រទឹកពេលយប់ និងការពារសុវត្ថិភាពជូនពួកគាត់ក្នុងមូលដ្ឋាន៕

អត្ថបទ ៖ ម៉េង