សន្តិសុខសង្គម

រដ្ឋបាលជលផលខេត្តកណ្ដាល បង្ក្រាបការនាំចូលបង្កងខុសច្បាប់ជិត ០១ តោន គ្មានវិញ្ញាបនបត្រច្បាស់លាស់

បានផុស

៥ ខែ មុន

នៅ

ថ្ងៃសៅរ៍ ៧ កញ្ញា ២០២៤

ដោយ

ចាប់បានរថយន្តមួយគ្រឿង ដឹកបង្កងខុសច្បាប់ ទម្ងន់ជិត ០១ តោន ដែលនាំចូលមកពីក្រៅប្រទេស ពុំមានលិខិតបញ្ជាក់អំពីគុណភាពនាំចូលច្បាស់លាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះដែរ បានធ្វើឡើងកាលពីយប់រំលងអធ្រាត្រថ្ងៃទី ០៤ ខែកញ្ញា ឆ្នាំ ២០២៤ នៅស្រុកកៀនស្វាយ ខេត្តកណ្តាល។

តាមការបញ្ជាក់ពីលោក ហេង សុភារិទ្ធ នាយខណ្ឌរដ្ឋបាលជលផលកណ្ដាល បានប្រាប់នៅថ្ងៃទី ០៧ ខែកញ្ញា ឆ្នាំ ២០២៤ នេះ ឲ្យដឹងថា លោក គួច ចំរើន អភិបាលខេត្តកណ្តាល បានបញ្ជាឲ្យលោកចុះដឹកនាំមន្ត្រីក្រោមឱវាទសហការជាមួយកម្លាំងអាវុធហត្ថ ធ្វើការឃាត់រថយន្តមួយគ្រឿង ដែលមានពាក់ស្លាកលេខ ភ្នំពេញ 3G-5776 ដឹកបង្កងខុសច្បាប់ចំនួន ២៦ ធុង ស្មើនឹងទម្ងន់ជិត ០១ តោន។

លោក ហេង សុភារិទ្ធ បន្តថា ចំពោះការឃាត់នេះដែរ មកពីម្ចាស់រថយន្តមិនព្រមសហការគ្នាជាមួយសមត្ថកិច្ច ដោយកន្លងមក មន្ត្រីជំនាញ ក៏ធ្លាប់បានធ្វើការណែនាំច្រើនសាមកហើយ ប៉ុន្តែម្ចាស់បង្កង និងម្ចាស់រថយន្ត នៅតែរឹងទទឹង និងហ៊ានប្រមាថទៅលើមន្ត្រីជាច្រើនលើកទៀតផង។ ចំពោះបង្កងដែលរឹបអូសបានមានទម្ងន់ជិត ០១ តោន នេះ បានងាប់ស្អុយរលួយអស់ គឺត្រូវសម្រេចកប់ចោលតែម្ដង៕

អត្ថបទ ៖ ម៉េង