សន្តិសុខសង្គម

ផាកពិន័យតារាសម្ដែង ឌុច លីដា ២លានរៀល ដោយសារបើកបរក្រោមជាតិអាល់កុល ០.៨០មីលីលីត្រ

បានផុស

៤ ខែ មុន

នៅ

ថ្ងៃចន្ទ ៩ កញ្ញា ២០២៤

ដោយ

តារាសម្ដែង ឌុច លីដា ត្រូវបានកម្លាំងសមត្ថកិច្ចចម្រុះនៃអធិការដ្ឋាននគរបាលខណ្ឌ៧មករា នាំខ្លួនយកមកផាកពិន័យជាទឹកប្រាក់ចំនួន ២លានរៀល ដោយសារបើកបរក្រោមជាតិអាល់កុល ០.៨០មីលីលីត្រ។ នេះបេីយោងតាមការបញ្ជាក់ពីមន្រ្តីនគរបាលជំនាញចរាចរណ៍ នៃអធិការដ្ឋាននគរបាលខណ្ឌ ៧មករា នៅព្រឹកថ្ងៃទី០៩ ខែកញ្ញា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ឌុច លីដា ត្រូវបានកម្លាំងនគរបាលខណ្ឌ ៧មករា នាំខ្លួនយកទៅអធិការដ្ឋាននគរបាលខណ្ឌ ដេីម្បីធ្វើការពិន័យតាមនីតិវិធី ជាមួយអ្នកនាង ហង្ស សុជាតា កាលពីរាត្រីថ្ងៃទី០៨ ខែកញ្ញា ឆ្នាំ២០២៤ នៅពេលកម្លាំងសមត្ថកិច្ចដាក់គោលដៅត្រួតពិនិត្យអាវុធជាតិផ្ទុះ និងគ្រឿងស្រវឹង។

មន្ត្រីនគរបាលចរាចរណ៍ខណ្ឌ៧មករា បានបញ្ជាក់ថា ក្រោយធ្វើការផាកពិន័យលេីកអ្នកនាង ឌុច លីដា ជាអ្នកបើកបរទៅតាមនីតិវិធីរួមរាល់ ក៏បានឱ្យក្រុមគ្រួសារមកទទួលយកអ្នកនាងឱ្យត្រលប់ទៅផ្ទះវិញទាំងយប់ផងដែរ៕

អត្ថបទ៖ សុខា