សន្តិសុខសង្គម

សន្តិសុខក្លឹប«ស្ពាយឌ័រក្លឹប» វាយភ្ញៀវផ្អើលពេញមុខក្លឹប ទាំងកណ្ដាលអធ្រាត្រ

បានផុស

៥ ខែ មុន

នៅ

ថ្ងៃពុធ ១១ កញ្ញា ២០២៤

ដោយ

យុវជនស្រី-ប្រុសជាច្រើននាក់ ត្រូវបានសន្តិសុខក្លឹបវាយផ្អើលពេញមុខក្លឹប កម្លាំងសមត្ថកិច្ចមិនបានមកជួយអន្តរាគមន៍ភ្លាមៗ ឡើយ បង្កឲ្យមានការភ្ញាក់ផ្អើលកាលពីវេលាម៉ោង ០៣ រំលងអធ្រាត្រ ឈានចូលថ្ងៃទី ១១ ខែកញ្ញា ឆ្នាំ ២០២៤ នៅចំណុចផ្លូវវេងស្រេង ក្លិបស្ពាយឌ័រ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីជនរងគ្រោះជាច្រើននាក់ បានឲ្យដឹងថា គាត់ហួសចិត្តចំពោះសន្តិសុខនៅក្លឹបខាងលើដែលបានវាយមកលើពួកគាត់ ប្រមាណជាង ១០ នាក់។ ក្នុងនោះក៏វាយទៅលើស្រីម្នាក់ផងដែរ។

ប្រភពដដែលបន្តថា មុនពេលកើតហេតុ ពួកគាត់បានមកលេងនៅក្លឹបខាងលើ ដោយមានគ្នា ០៩ នាក់ ក្នុងនោះ ស្រី ០១ នាក់។ ខណៈពេលកំពុងផឹកស៊ី ក៏ស្រាប់តែមានសន្តិសុខនៅខាងក្នុងបានហៅពួកគាត់ចេញមកខាងក្រៅ។ បន្ទាប់មកមានសន្តិសុខនៅខាងក្រៅ បានទះកំផ្លៀងគាត់ និងមិត្តភ័ក្ដិផ្សេងៗ ទៀត ចំនួន ០៩ នាក់ ខ្លះត្រូវ ០១ កំផ្លៀង ខ្លះទៀតត្រូវ ០២ ទៅ ០៣ កំផ្លៀង។ រីឯក្រុមគេផ្សេងទៀត ក៏ត្រូវក្រុមសន្តិសុខវាយដែរ។ ចំណែកប្អូនស្រីម្នាក់ គ្រាន់តែសួរនាំថាម៉េចបានពួកបងៗ ជាសន្តិសុខវាយបងប្រុសគាត់ បន្ទាប់មកសន្តិសុខក៏វាយប្អូនស្រីគាត់មួយកំផ្លៀងទៀត។