សន្តិសុខសង្គម
អាជ្ញាធរខណ្ឌ៧មករា សម្រេចលុបបំបាត់ដេប៉ូសំរាមមុខផ្សារសេរីភាពតាមសំណូមពរពលរដ្ឋ
តបតាមសំណូមពរពីប្រជាពលរដ្ឋពីបញ្ហាដេប៉ូសំរាមនៅមុខផ្សារសេរីភាពដែលធ្វើឲ្យជះក្លិនមិនល្អ លោក ថេង សុថុល អភិបាលនៃគណអភិបាលខណ្ឌ៧មករា បានសម្រេចលុបបំបាត់ដេប៉ូសំរាមនេះចោល និងណែនាំឲ្យប្រជាពលរដ្ឋក៏ដូជាអាជីករត្រូវវេចខ្ចប់សំរាមទុកដាក់ឲ្យបានត្រឹមត្រូវ។

ក្នុងដំណើរចុះសួរសុខទុក្ខ និងសំណេះសំណាលជាមួយប្រជាពលរដ្ឋ និងអាជីវករក្នុងផ្សារសេរីភាព ពាក់ព័ន្ធការងារអនាម័យ និងបរិស្ថាន សណ្តាប់ធ្នាប់សាធារណៈ កាលពីថ្ងៃទី១៥ កញ្ញា លោកអភិបាលខណ្ឌក៏បានណែនាំឲ្យប្រជាពលរដ្ឋ និងអាជីវករត្រូវវេចខ្ចប់ទុកដាក់សំរាមឲ្យបានត្រឹមត្រូវ រង់ចាំរថយន្ដរបស់ក្រុមហ៊ុនសំរាមមកយករៀងរាល់ថ្ងៃនៅម៉ោង៦ល្ងាច ចំណែកពលរដ្ឋដែលរស់នៅជុំវិញផ្សារក៏ត្រូវអនុវត្តដូចគ្នាផងដែរ។ ជាមួយគ្នានេះ លោកអភិបាលខណ្ឌក៏បានណែនាំឲ្យកម្លាំងសណ្តាប់ធ្នាប់ត្រូវចាំឃ្លាំមើល បើនៅតែមានអ្នកយកសំរាមមកចោល ហើយកម្លាំងចាប់បាន នឹងត្រូវពិន័យជាទឹកប្រាប់ចាប់ពី ២ម៉ឺនរៀល ដល់២០ម៉ឺនរៀល។

ការសម្រេចលុបបំបាត់ដេប៉ូសំរាមនេះ គឺជាការឆ្លើយតបតាមសំណូបពររបស់ប្រជាពលរដ្ឋកាលរសៀលថ្ងៃទី១២ ខែកញ្ញាឆ្នាំ២០២៤ ក្នុងវេទិកាផ្សព្វផ្សាយ និងពិគ្រោះយោបល់ ក្រោមអធិបតីភាព លោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក ថេង សុថុល អភិបាល នៃគណៈអភិបាលខណ្ឌ ឲ្យអាជ្ញាធរជួយលុបបំបាត់ដេប៉ូសំរាមនៅលើផ្លូវលេខ១៦៤ ចំណុចផ្សារសេរីភាព ព្រោះបានជះក្លិនស្អុយធ្វើប៉ះពាល់ដល់សុខភាពពលរដ្ឋ។ ជាមួយនឹងការសំណូមពរពីបញ្ហាសំរាមនេះ ពលរដ្ឋក៏បានលើកឡើងពីបញ្ហាសណ្ដាប់ធ្នាប់ នៅចំណុចផ្សារសេរីភាពនេះ គឺក្រុមអាជីវករដាក់តាំងរបស់របរលក់លើផ្លូវធ្វើឲ្យបាត់បង់សណ្ដាប់ធ្នាប់ និងបង្កការកក់ស្ទះចរាចរណ៍ផងដែរ៕
អត្ថបទ៖ សំណាង




-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់