សន្តិសុខសង្គម
បញ្ជូនក្មេងទំនើង៤នាក់ទៅតុលាការ ពាក់ព័ន្ធករណីដេញកាប់ និងដុតម៉ូតូអ្នកដំណើរ
ក្រុមក្មេងទំនើង៤នាក់ ក្នុងចំណោមបក្ខពួក១០នាក់ ត្រូវបាននគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ ធ្វើការបញ្ជូនខ្លួនទៅតុលាការ បន្ទាប់ពីឃាត់ខ្លួនបានពាក់ព័ន្ធករណីដេញកាប់ និងដុតម៉ូតូអ្នកដំណើរនៅមូលដ្ឋានខណ្ឌច្បារអំពៅ។

ជនសង្ស័យទាំង០៤នាក់មានឈ្មោះ រៀម បញ្ញា ភេទប្រុស អាយុ ២២ឆ្នាំ ឈ្មោះ សុខ ចន្ទ្រា ភេទប្រុស អាយុ ២២ឆ្នាំ ឈ្មោះ អូន ពិសិដ្ឋ ភេទប្រុស អាយុ ២២ឆ្នាំ ឈ្មោះ អូន រក្សា ភេទប្រុស អាយុ ២០ឆ្នាំ។ អ្នកទាំង៤ មានមុខរបរ ជាអ្នករត់តុការជាមួយគ្នា។
គួររំលឹកថា កាលពីវេលាម៉ោងប្រហែល១០និង៣០នាទីយប់ថ្ងៃទី១៥ ខែកញ្ញា ឆ្នាំ២០២៤ នៅចំណុចផ្លូវលំ ភូមិតាងៅកណ្តាល សង្កាត់និរោធ ខណ្ឌច្បារអំពៅ រាជធានីភ្នំពេញ មានករណីហិង្សា និងធ្វើឲ្យខូចខាតដោយដុតម៉ូតូជនរងគ្រោះជាអ្នកដំណើរ ដែលបង្កឡើងដោយជនសង្ស័យចំនួន០២ក្រុម ដោយមួយក្រុមមានគ្នា៤ ទៅ៥នាក់ បានធ្វើសកម្មភាពដេញវាយ និងប្រើដុំថ្មគប់គ្នាទៅវិញទៅមក។ ពេលនោះក៏មានបុរស២នាក់ ជិះម៉ូតូ ០១គ្រឿង ម៉ាក HONDA DREAM C125 ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BX-4602 កាត់តាមកន្លែងកើតហេតុ ហើយក៏ត្រូវបានក្រុមជនសង្ស័យយកដុំថ្មគប់ទៅលើបណ្តាលឲ្យពួក០២នាក់រត់ចោលម៉ូតូ។ បន្ទាប់មកជនសង្ស័យម្នាក់បានយកដែកកេះ ដុតម៉ូតូរបស់ជនរងគ្រោះ បណ្តាលឲ្យឆេះខូចខាតទាំងស្រុង រួចនាំគ្នាគេចខ្លួចបាត់ស្រមោលតែម្តង។ បច្ចុប្បន្នជនសង្ស័យទាំង០៤នាក់ខាងលើ ត្រូវបានបញ្ជូនទៅកាន់តុលាការ ដើម្បីបន្តនីតិវិធី៕
អត្ថបទ៖ រដ្ឋា



-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ