សន្តិសុខសង្គម

យុវជនម្នាក់ទៅលេងទឹកនៅព្រែកតាឃ្លោក ឃុំកោះសូទិន ជាអកុសលបានលង់ទឹកស្លាប់

បានផុស

១ ម៉ោង មុន

នៅ

ថ្ងៃចន្ទ ២៣ កញ្ញា ២០២៤

ដោយ

កំពង់ចាម ៖ យុវជនម្នាក់បានទៅលេងទឹកនៅព្រែកតាឃ្លោក ឃុំកោះមិត្ត ជាអកុសលបានលង់ទឹកស្លាប់នៅរសៀលថ្ងៃទី២៣ ខែកញ្ញា ឆ្នាំ២០២៤នេះ ចំណុចព្រែកតាឃ្លោក ស្ថិតនៅភូមិទី៣ ឃុំកោះសូទិន ស្រុកកោះសូទិន ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពបញ្ជាក់ថា នៅវេលាម៉ោង២រសៀល ថ្ងៃទី២៣ ខែកញ្ញា ឆ្នាំ២០២៤នេះ មានយុវជនម្នាក់បានលង់ទឹកស្លាប់នៅចំណុចព្រែកតាឃ្លោក។ យុវជនរងគ្រោះនោះ មានឈ្មោះឆេង បញ្ញា ភេទប្រុស អាយុ១៦ឆ្នាំ មានទីលំនៅភូមិព្រែកតាអ៊ែ ឃុំកោះរកា ស្រុកកំពង់សៀម ខេត្តកំពង់ចាម។

តាមសេចក្ដីរាយការណ៍ពីមិត្តភ័ក្តរបស់សព បានឱ្យដឹងថា នៅវេលាម៉ោងប្រហែល១៣ និង២០នាទី ឈ្មោះ ឆេង បញ្ញា បានជិះម៉ូតូចេញពីចំការគ ភូមិកំពង់ត្រុំក្រោម ឃុំកោះមិត្ត ស្រុកកំពង់សៀម ខេត្តកំពង់ចាម មកលេងទឹកនៅចំណុចព្រែកតាឃ្លោក ស្ថិតនៅភូមិទី៣ ឃុំកោះសូទិន ស្រុកកោះសូទិន ខេត្តកំពង់ចាម ពេលមកដល់កន្លែងកើតហេតុ ឈ្មោះ ឆេង បញ្ញា បានចុះពីលើម៉ូតូដើរចូលទៅលេងទឹក តាមផ្លូវបេតុងចុះទៅទីតាំងជ្រៅ ហើយបានធ្លាក់ពីលើផ្លូវបេតុងលិចចូលទៅក្នុងទឹកបាត់តែម្តង។

សមត្ថកិច្ចមូលដ្ឋាន រួមនឹងអ្នកភូមិបានរកឃើញនៅវេលាម៉ោង៣នឹង៣៥នាទីល្ងាច បន្ទាប់មកមន្ត្រីសមត្ថកិច្ចបានធ្វើកោសល្យវិច័យលើសាកសព ដោយសន្និដ្ឋានថា ពិតជាស្លាប់ដោយមូលហេតុលង់ទឹកពិតប្រាកដមែន រួចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទនិងរូបភាព ៖ ឡេក ចាន់ពេជ្រ