Connect with us

សន្តិសុខសង្គម

មន្ត្រីជំនាញកំពុងជួសជុលផ្លូវបេតុងដែលបាក់ស្រុតនៅប្រឡាយស្ទឹងមានជ័យយ៉ាងយកចិត្តទុកដាក់ និងឆាប់រហ័សជូនពលរដ្ឋ

បានផុស

នៅ

ក្រុមការងារបច្ចេកទេសជំនាញនៃមន្ទីរសាធារណៈការរាជធានីភ្នំពេញ បាននិងកំពុងយកចិត្តទុកដាក់ក្នុងការជួសជុលផ្លូវបេតុងជាប់មាត់ប្រឡាយស្ទឹងមានជ័យ ដែលបានបាក់ស្រុត ធ្វើយ៉ាងណាឲ្យលឿនរហ័ស និងរឹងមាំជាងមុនជូនពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី២៤ ខែកញ្ញា ឆ្នាំ២០២៤នេះ លោក ឯក ឃុនឌឿន អភិបាលរងរាជធានីភ្នំពេញ ទទួលបន្ទុក​ផែន​សាធារណ​ការ រួមជាមួយលោក សេង គន្ធ អភិបាលខណ្ឌមានជ័យ បានបន្តការចុះពិនិត្យស្ថានភាពកន្លែងមានការបាក់ស្រុត និងការបន្តជួសជុលពីសំណាក់ក្រុមជំនាញ។

មន្រ្តីជំនាញបានលើកឡើងថា​ តាមការប៉ាន់ស្មានជាបឋម ផ្លូវដែលខូចខាតនេះអាចនឹងប្រើប្រាស់ពេល២ ទៅ៣ខែ ក្នុងការជួសជុលឡើងវិញ តែនេះគ្រាន់ជាការវាយតម្លៃបឋមដោយមិនអាចកំណត់ភាពច្បាស់ការបាននោះឡើយ។ ផ្អែកតាមស្ថានភាពជាក់ស្តែង បច្ចុប្បន្នក្រុមការងារជំនាញបានកំពុងវាយកម្ទេចបេតុងចាស់ដែលបានបាក់ស្រុតចោលសិន រួចនឹងធ្វើការចាក់បំពេញដីខ្សាច់ និងអាចម៍ដីចូលថ្មីបន្ថែម។

លោក សេង គន្ធ អភិបាលខណ្ឌមានជ័យ បញ្ជាក់ថា ទីតាំងដដែលនេះ ធ្លាប់កើតមានការបាក់២លើកមកហើយ តែមិនធ្ងន់ធ្ងរនោះឡើយ ដោយមានការប្រេះបេតុងផ្អៀងផ្លូវ ហើយក្រុមមន្ត្រីជំនាញក៏បានជួសជុល និងក្រាលបេតុងថ្មីឡើងវិញទៅរកសភាពធម្មតា ដោយឡែកលើកទី៣នេះ ក៏បាក់ស្រុតខ្លាំងតែម្តង។

លោកអភិបាលខណ្ឌបញ្ជាក់ថា ការបាក់ស្រុតនេះ មិនបានបណ្តាលមកពីការកាយអាចម៍ដីនៅក្នុងប្រឡាយស្ទឹងមានជ័យចេញនោះទេ គឺដោយសារសណ្ឋានដីនៅចំណុចកើតហេតុ មានលក្ខណៈជ្រាយ ហើយមុខទឹកគឺហូរបុកមកត្រង់ចំចំណុចនេះតែម្តង ទើបធ្វើឱ្យមានការបាក់ស្រុតតែម្តងទៅ។

សូមបញ្ជាក់ថា កាលវេលាល្ងាចថ្ងៃទី២៣ ខែកញ្ញា ឆ្នាំ២០២៤ លោក ឃួង ស្រេង អភិបាលនៃគណអភិបាលរាជធានីភ្នំពេញ បានដឹកនាំក្រុមមន្ត្រីជំនាញ និងអាជ្ញាធរមូលដ្ឋាន ចុះពិនិត្យជាបន្ទាន់ជុំវិញស្ថានភាព នៃការបាក់ស្រុតផ្លូវបេតុង ស្ថិតនៅជាប់មាត់ប្រឡាយស្ទឹងមានជ័យ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

លោកអភិបាលបានធ្វើការពិនិត្យវាយតម្លៃជាក់ស្តែងអំពីបញ្ហាដែលនាំឱ្យមានការបាក់ស្រុត និងបានបញ្ជារផ្ទាល់ដល់ក្រុមការងារបច្ចេកទេសឱ្យបង្កើនការយកចិត្តទុកដាក់ខ្ពស់ក្នុងការជួសជុលឡើងវិញ ក្នុងរយៈពេលលឿនបំផុតតាមអាចធ្វើទៅបាន ដើម្បីអាចឱ្យប្រជាពលរដ្ឋបានប្រើប្រាស់សម្រាប់ធ្វើដំណើរឡើងវិញជាធម្មតានៅពេលខាងមុខ។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ចូនរាជធានីភ្នំពេញ បានឱ្យដឹងថា ករណីបាក់ស្រុតផ្លូវខាងលើនេះ បានបណ្តាលឱ្យផ្លូវប្រវែង១៤៦ម៉ែត្រ និងទទឹង៥ម៉ែត្រ ត្រូវរងការខូចខាត។ លោកបន្តថា ករណីនេះ បណ្តាលមកពីទឹកបានហូរច្រោះដីផ្នែកខាងក្រោមផ្លូវ ធ្វើឱ្យសណ្ឋានដីត្រូវទន់ជ្រាយ ទើបបង្កឱ្យមានការរអិលទាំងតួថ្នល់ និងបេតុង ចុះមកតែម្តង ។

ប្រធានមន្ទីរដដែល បន្ថែមថា ផ្លូវបេតុងនេះ ទទួលការស្ថាបនាដោយអង្គការ Jica មានកម្រាស់១៥សម ជាប្រភេទបេតុងអារមេ ក្នុងនោះមានប្រវែង៥០ម៉ែត្រ មានតំណសម្រាប់ការរីករួមនៃបេតុង ខណៈផ្លូវទាំងស្រុងមានអាយុកាលប្រមាណ​២៤ឆ្នាំកន្លងទៅហើយ គិតតាំងពីនៅជាផ្លូវដី រហូតកកើតជាបេតុង ។

តាមប្រភពព័ត៌មានពីប្រជាពលរដ្ឋរស់នៅក្បែរកន្លែងកើតហេតុ បានឱ្យដឹងថា នៅមុនកើតហេតុ គេបានលឺសម្រឹកបេតុងមានការបាក់ ហើយស្ថានភាពផ្លូវបេតុង ក៏មានការប្រេះដោយអន្លើរៗ នៃចំណុចខ្លះ។ ដោយឃើញដូចនោះ ពលរដ្ឋបានបង្កើនការប្រុងប្រយ័ត្នជាមុន និងបានជួយណែនាំដល់អ្នកដំណើរឱ្យនាំគ្នាផ្អាកការឆ្លងកាត់ផងដែរ៕

អត្ថបទ៖ សុភា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ឧបការី​រដ្ឋមន្រ្តី​ក្រសួង​សន្តិសុខ​សាធារណៈ​ចិន​​ទស្សនៈ​កិច្ច​​​នៅ​​ច្រក​​ទ្វា​អន្តរជាតិប៉ោយប៉ែត

ព័ត៌មានជាតិ៩ ម៉ោង មុន

មេ​បញ្ជា​ការ​កង​ទ័ព​ជើង​គោក​កម្ពុជា ​ណែ​នាំ​ឱ្យ​កង​ទ័ព​ ​រក្សា​ទំនាក់​ទំនង​ល្អ​ជាមួយ​ភាគីថៃ ​ ​មិន​បំពាន​គ្នា ​​

ព័ត៌មានជាតិ៩ ម៉ោង មុន

​ប្រធានកិត្តិយស​​នៃ​សមាគម​មូលនិធិ​អភិរក្សដំរី​អៃរាវត្តា​ខ្មែរ ​ទៅ​មើល​​ផ្ទាល់​ការ​ថែ​ទាំ​កូន​ដំរី​ឈ្មោះ​«លំផាត់» នៅ​សួន​សត្វ​ភ្នំតាម៉ៅ ​

សន្តិសុខសង្គម៩ ម៉ោង មុន

ជន​ជាតិ​ចិន​ម្នាក់ ​ត្រូវ​នគរបាល​​​បណ្ដេញ​ចេញ​ពី​ប្រទេស​កម្ពុជា​

សន្តិសុខសង្គម១៣ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

សន្តិសុខសង្គម១៣ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

ព័ត៌មានអន្ដរជាតិ២៣ ម៉ោង មុន

អង់គ្លេស ថែម​ប្រាក់​កម្ចី​ឲ្យ​អ៊ុយក្រែន ជិត​៣​ពាន់​លាន​ដុល្លារ សម្រាប់​ផលិតកម្ម​អាវុធ

ព័ត៌មានជាតិ១៩ ម៉ោង មុន

អ្នកឃ្លាំមើលសង្គម៖ពលរដ្ឋខ្មែរនៅ​កូរ៉េ ៩៩% មិនបា​នចូលរួមបាតុកម្ម និង​បន្តជឿជាក់​រាជរដ្ឋាភិបាល​លើ​បញ្ហា​ទឹក​ដី​

ព័ត៌មានអន្ដរជាតិ១៨ ម៉ោង មុន

ពូទីន ចុះហត្ថលេខាលើច្បាប់ការពារ​គ្នា​ទៅ​វិញ​ទៅ​មក​ជា​ផ្លូវការ​ជាមួយ​បេឡារុស

ព័ត៌មានអន្ដរជាតិ២១ ម៉ោង មុន

មេ​ណាតូ ជំរុញឲ្យ ហ្សេលេនស្គី ផ្សះផ្សា​ទំនាក់ទំនង​ជាមួយ​លោក ត្រាំ

Sokha Hotels

ព័ត៌មានពេញនិយម