សន្តិសុខសង្គម

មន្ត្រីសង្កាត់ម្នាក់ត្រូវក្រុមអ្នកផឹកស៊ីចាក់ឲ្យរងរបួស ពេលចុះហាមឃាត់ការបង្កសំឡេងរំខានអ្នកជិតខាង

បានផុស

៤ ខែ មុន

នៅ

ថ្ងៃពុធ ២៥ កញ្ញា ២០២៤

ដោយ

មន្ត្រីសង្កាត់នៃរដ្ឋបាលសង្កាត់ភ្នំពេញថ្មី ខណ្ឌសែនសុខម្នាក់ ត្រូវបានក្រុមអ្នកផឹកស៊ីទាញកាំបិតចាក់បណ្ដាលឲ្យរងរបួស នៅពេលចុះទៅហាមឃាត់ពីការបង្កសំឡេងរំខានដល់អ្នកជិតខាងនៅពេលយប់ជ្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង១១និង៥០នាទីយប់ ថ្ងៃទី២៤ ខែកញ្ញា ឆ្នាំ២០២៤ ស្ថិតតាមបណ្ដោយផ្លូវ១០០៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុគេឃើញមាន មនុស្សប្រុសស្រីមួយក្រុម បាននាំគ្នាអង្គុយផឹកស៊ី និងចាក់ធុងបាស់បង្កសំឡេងរំខានដល់អ្នកជិតខាង ធ្វើអោយពលរដ្ឋនៅក្បែរនោះសម្រាកមិនបាន។ ភ្លាមៗ ប្រជាពលរដ្ឋបានរាយការណ៍ទៅអាជា្ញធរមូលដ្ឋានដើម្បីជួយចុះអន្តរាគមន៍។ ខណៈដែលអាជ្ញាធរចុះមកដល់ និងបានណែនាំបែរក្រុមមនុស្សប្រុសស្រីទាំងនោះស្រែកជេរទៅកាន់អាជ្ញាធរ និងបានយកកាំបិតចាក់ទៅលើមន្ត្រីអាជ្ញាធរសង្កាត់ម្នាក់រងរបួសបញ្ជូនទៅមន្ទីរពេទ្យភ្លាមៗផងដែរ។

បន្ទាប់ពីបង្កហិង្សា រហូតមានរបួសស្នាមលើមន្ត្រីអាជ្ញាធរ កម្លាំងសមត្ថកិច្ចមូលដ្ឋានក៏បានចុះដល់កន្លែងកើតហេតុ និងបានឃាត់ខ្លួនមនុស្សប្រុសស្រី៤នាក់យកទៅប៉ុស្តិ៍នគរបាលសង្កាត់ភ្នំពេញថ្មី ដេីម្បីធ្វើការសាកសួរ និងអនុវត្តនីតិវីធីច្បាប់៕

អត្ថបទ៖ រដ្ឋា