សន្តិសុខសង្គម

បុរសជនបរទេសម្នាក់ធ្លាក់ពីអគារខុនដូរស្លាប់ទាំងអាក្រាតកាយ

បានផុស

៤ ខែ មុន

នៅ

ថ្ងៃចន្ទ ៣០ កញ្ញា ២០២៤

ដោយ

សពជនបរទេសម្នាក់ត្រូវបានគេប្រទះឃេីញស្លាប់ទាំងអាក្រាតកាយសង្ស័យលោតពីលើអាគារខុនដូរ ធ្លាក់
ចូលក្នុងបរិវេណហាងមួយកន្លែងបណ្តាលឲ្យបែកក្បាលស្លាប់។

ហេតុការណ៍នេះបានកេីតឡេីងនៅវេលាម៉ោង១១និង៤០នាទីយប់ ថ្ងៃទី២៩ ខែកញ្ញា ឆ្នាំ២០២៤ នៅចំណុចអគារខុនដូរមួយកន្លែងស្ថិតតាមបណ្ដោយផ្លូវ៣១០សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

តាមប្រភពព័ត៌មានពីសន្តិសុខដែលយាមនៅកន្លែងកេីតហេតុ បានឲ្យដឹងថា មុនពេលកេីតហេតុរូបគាត់បានអង្គុយយាមនៅមុខហាង លុះដល់ម៉ោងកេីតហេតុ ក៏ស្រាប់តែលឺសំឡេងមនុស្សធ្លាក់ ដោយមានការសង្ស័យក៏បានបេីកភ្លេីងដេីររកមេីលក៏ប្រទះឃើញបុរសជនជាតិបរទេសម្នាក់មានសភាពអាក្រាតកាយបែកក្បាលហូរឈាមស្លាប់។ ប្រភពដដែលបន្តថា បន្ទាប់កើតហេតុក៏បានរាយការណ៍ជូនសមត្ថកិច្ចមូលដ្ឋាន ដើម្បីចុះពិនិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយកើតហេតុកម្លាំងសមត្ថកិច្ចបានធ្វើការហ៊ុំព័ទ្ធខ្សែទៅតាំងកេីតហេតុ និងបានទាក់ទងផ្នែកជំនាញនៃស្នងការដ្ឋានរាជធានីភ្នំពេញអោយមកពិនិត្យសពនៅទីតាំងកេីតហេតុ។ ពាក់ពន្ធ័ហេតុការណ៍នេះ សមត្ថកិច្ចមិនទាន់បញ្ជាក់ថា ជនរងគ្រោះស្លាប់ដោយលោតពីលើអគារជាន់ទីប៉ុន្មាននោះទេ ឬជាករណីអ្វីផ្សេងអោយប្រកដនៅឡើយទេ ដោយផ្នែកជំនាញ់កំពុងតែធ្វើការស្រាវជ្រាវ៕

អត្ថបទ៖ សុខា