អភិបាលខណ្ឌ៧មករា ណែនាំសុវត្ថិភាពចរាចរណ៍ដល់ថ្នាក់ដឹកនាំ និងមន្ត្រីនាឱកាសបុណ្យភ្ជុំបិណ្ឌ

ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ រដ្ឋបាលខណ្ឌ៧មករា បានជួបសំណេះសំណាលជាមួយមន្ត្រីសាលាខណ្ឌ និងបានលើកទឹកចិត្តដល់មន្ត្រីទាំងអស់ខិតខំបំពេញការងារតាមតួនាទី និងភារកិច្ច ដែលថ្នាក់ដឹកនាំប្រគល់ជូន និងណែនាំឲ្យធ្វើដំណើរទីជិតទីឆ្ងាយសុខសុវត្ថិភាព។

ពិធីសំណេះសំណាលនេះ ធ្វើឡើងនាព្រឹកថ្ងៃទី៣០ ខែកញ្ញា ឆ្នាំ២០២៤ ក្រោមអធិបតីភាពលោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក ថេង សុថុល អភិបាលខណ្ឌ៧មករា។

នៅក្នុងរដូវបុណ្យភ្ជុំបិណ្ឌខាងមុខនេះ លោក សោម សុវណ្ណ ប្រធានក្រុមប្រឹក្សាខណ្ឌ៧មករា បានអំពាវនាវដល់ថ្នាក់ដឹកនាំ មន្ត្រីរាជការ និងប្រជាពលរដ្ឋទាំងអស់សូមមានការប្រយ័ត្នខ្ពស់ក្នុងការបើកបរយានយន្ដ និងអ្នកបើកបរម៉ូតូទាំងអស់ត្រូវមានការប្រុងប្រយ័ត្នខ្ពស់ និងគោរពច្បាប់ចរាចរណ៍ និងជាពិសេសពេលចេញពីផ្ទះត្រូវពិនិត្យមើលឲ្យបានត្រឹមត្រូវ បង្ការគ្រោះអគ្គិភ័យ នាឱកាសពិធីបុណ្យភ្ជុំបិណ្ឌនេះ។

ពិធីនេះផងដែរ រដ្ឋបាលខណ្ឌ៧មករា បានធ្វើការប្រគល់ថវិកាឧបត្ថម្ភ និងគ្រឿងឧបភោគបរិភោគ ភេសជ្ជៈ ដល់ថ្នាក់ដឹកនាំ មន្ត្រីទាំងអស់ផងដែរ។

លោក លោក ថេង សុថុល អភិបាលខណ្ឌ៧មករា បានជូនពរដល់ថ្នាក់ដឹកនាំ មន្ត្រីទាំងអស់ នាឱកាសបុណ្យភ្ជុំបិណ្ឌ ប្រណៃជាតិខ្មែរ សូមប្រដោយសុខសុវត្ថិភាព ទាំងទីជិតទីឆ្ងាយ ទីវត្តអារាម ស្រុកកំណើត ប្រកបដោយ ដោយសេចក្តីសប្បាយរីករាយ៕

អត្ថបទ៖ សំណាង