សន្តិសុខសង្គម

រដ្ឋបាលជលផលខេត្តក្រចេះ បង្ក្រាបឧបករណ៍ឆក់ត្រី និងទូកម៉ាស៊ីនមួយគ្រឿង ខណៈជនសង្ស័យរត់គេចខ្លួនបាត់

បានផុស

៣ ខែ មុន

នៅ

ថ្ងៃសុក្រ ៤ តុលា ២០២៤

ដោយ

ក្រចេះ ៖ នៅថ្ងៃទី០៤ ខែតុលា ឆ្នាំ២០២៤ ខណ្ឌរដ្ឋបាលជលផលក្រចេះ បានដកហូតឧបករណ៍នេសាទឆក់ត្រី០១គ្រឿ អាគុយ40A ០១គ្រឿង និងទូកម៉ាស៊ីន ១គ្រឿង យកមករក្សាទុកនៅផ្នែករដ្ឋបាលជលផលព្រែកប្រសព្វ ខនៈដែរជនសង្ស័យបានរត់គេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដកហូតឧបករណ៍នេសាទខុសច្បាប់ខាងលើ គឺធ្វើឡើងបន្ទាប់ពី មន្ត្រីជំនាញនៃខណ្ឌរដ្ឋបាលជលផលក្រចេះ សហការជាមួយ អធិការដ្ឋានរដ្ឋបាលជលផលមេគង្គ ដឹកនាំដោយលោក ភួង ទីណា នាយរងអធិការដ្ឋាន ផ្នែករដ្ឋបាលជលផលព្រែកប្រសព្វ និងកម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តក្រចេះ ព្រមទាំងសហគមន៍នេសាទ បានបន្តចុះត្រួតពិនិត្យ និងបង្ក្រាបបទល្មើសនេសាទ នៅក្នុងភូមិសាស្ត្រឃុំប្ញស្សីកែវ ស្រុកព្រែកប្រសព្វ ខេត្តក្រចេះ។

ក្រៅពីដកហូតឧបករណ៍នេសាទខុសច្បាប់ខាងលើ សមត្ថកិច្ចចម្រុះ បានធ្វើការរុះរើ និងបំផ្លាញចោលនូវឧបករណ៍នេសាទល្មើសច្បាប់ រួមមាន របាំងព្រួលស្បៃមុង ចំនួន ៦ខ្សែ ប្រវែង ៣៥០ម៉ែត្រ, លូស្បៃមុងចំនួន ៦មាត់លូ, របាំងណរ៉ាវ សាច់អួននីឡុង ក្រលា ៣សង់ទីម៉ែត្រ ចំនួន ០៣ខ្សែ ប្រវែង ២៥០ម៉ែត្រ ។ លបរ៉ាវចំនួន ៣គ្រឿង ក្រឡា ទំហំ ៣សង់ទីម៉ែត្រ, បង្គោលចម្រឹងឫស្សី ចំនួន ៩០ដើម និងបានចាក់លែងត្រីចម្រុះទម្ងន់ប្រមាណ ២៥០គីឡូក្រាម ចូលទៅក្នុងដែនទឹកធម្មជាតិវិញផងដែរ៕

ដោយ ៖ ប្រុញ វិធិន