សន្តិសុខសង្គម
ឃាត់ខ្លួនក្មេងទំនើង ១៥ នាក់ ក្រោយវាយតប់គ្នាយ៉ាងអនាធិបតេយ្យ
ក្មេងទំនើង ០២ ក្រុម ដោយម្ខាងមានគ្នា ០៩ នាក់ និងម្ខាងទៀតមានគ្នា ០៦ នាក់ ប្រដាប់ទៅដោយដុំថ្ម ដំបង កាំបិត បានវាយតប់កាប់គ្នាតាមផ្លូវសាធារណៈយ៉ាងអនាធិបតេយ្យ ត្រូវកម្លាំងសមត្ថកិច្ចឃាត់ខ្លួនយកមកសួរនាំ កាលពីវេលាម៉ោង ១០ យប់ ថ្ងៃទី ១៥ ខែតុលា ឆ្នាំ ២០២៤ នៅផ្លូវបេតុង ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។

តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញក្មេងទំនើង ០១ ក្រុម មានគ្នា ០៦ នាក់ កំពុងអង្គុយជុំគ្នាហូបប្រហិតចៀន។ បន្ទាប់មក ស្រាប់តែមានក្មេងទំនើង ០១ ក្រុមទៀត មានគ្នា ០៩ នាក់ ដើរមកសំដៅភាគីម្ខាងទៀត ប្រដាប់ដោយដុំថ្ម កាំបិត។
ប្រភពដដែលបានបន្តថា បន្ទាប់មកភាគីទាំងសងខាងក៏បានទាស់ពាក្យសម្ដីគ្នារហូតឈានទៅដល់ហិង្សាវាយតប់កាប់គ្នាទៅវិញទៅមក តែមិនមានមនុស្សរបួសនោះទេ គ្រាន់តែខូចខាតម៉ូតូ ០១ គ្រឿង ម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ 1GM 3397។ ភ្លាមៗ នោះ កម្លាំងអន្តរាគមន៍ នៃអធិការដ្ឋាននគរបាលខណ្ឌពោធិ៍សែនជ័យ កំពុងល្បាត ក៏បង្ក្រាបឃាត់ខ្លួនបានភ្លាមៗតែម្ដង។

បច្ចុប្បន្នជនសង្ស័យត្រូវបាននាំយកទៅសាកសួរនៅផ្នែកព្រហ្មទណ្ឌ នៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការតាមនីតិវិធី៕
អត្ថបទ ៖ សុខា


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ