សន្តិសុខសង្គម
ពលរដ្ឋមួយចំនួននៅតែមិនទាន់យល់ពីការវេចខ្ចប់ និងទុកដាក់សំរាមឲ្យបានត្រឹមត្រូវ
ការចោលសំរាមនៅតែជាបញ្ហា ទោះបីមានការណែនាំជាបន្តបន្ទាប់ពីសំណាក់អាជ្ញាធរជាច្រើនលើកច្រើនសារយ៉ាងណាក៏ដោយ។
នៅចំណុចផ្លូវលេខ២២៥ កែងផ្លូវលេខ១១២ ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ សំរាមបានជះក្លិនអាក្រក់ទៅកាន់អ្នករស់នៅជុំវិញនោះ បង្កអោយសោភណ្ឌភាពដងផ្លូវត្រូវបាត់បង់។
លោក បន សុភត្រា អ្នករស់នៅក្បែរទីតាំងនោះបានលើកឡើងថា ភាគច្រើនពលរដ្ឋដែលរស់នៅជុំវិញនោះ រួមទាំងគាត់ផ្ទាល់តែងតែប្រកាន់ខ្ជាប់នូវរបៀបវេចខ្ចប់សំរាមដាក់ដាច់ដោយឡែកពីគ្នា រវាងសំរាមសើម និងសម្រាមស្ងួត ដើម្បីងាយស្រួលដល់អ្នកប្រមូលសំរាម និងជួយកាត់បន្ថយដល់អ្នករើសអេតចាយដែលតែងតែកាយធុងសំរាមរកសំបកកំប៉ុង ឬក្រដាសឡាំងជាដើម។
លោក ថាច លីថន ជាអ្នកលក់ដូរក្បែរនោះបានអោយដឹងដែរថា ការចោលសំរាមនេះ បានបង្កសាយភាយក្លិនស្អុយដល់ពលរដ្ឋរស់នៅក្បែរទីតាំងចោលសំរាមនៅពេលមានភ្លៀងធ្លាក់ ហើយមួយចំនួនតូចនៅតែវេចខ្ចប់សំរាមមិនត្រឹមត្រូវនោះឡើយ ដោយបន្តចោលសំរាមក្រៅធុង ដែលធ្វើឲ្យប៉ះពាល់ដល់បរិស្ថាន និងសោភណ្ឌភាពទីក្រុងយ៉ាងខ្លាំង។
ទាក់ទិននឹងបញ្ហាសំរាមនេះ លោក លីវ ស៊ុនលី ចៅសង្កាត់ផ្សារដេប៉ូទី៣ នៃរដ្ឋបាលខណ្ឌទួលគោក បានប្រាប់ក្រុមការងារ កម្ពុជាថ្មី នៅថ្ងៃទី១៧តុលានេះថា លោកបានអោយខាងបរិស្ថាន និងរដ្ឋបាលសង្កាត់ធ្វើការលើរឿងនេះហើយ។ លោកចៅសង្កាត់បន្តថា ប្រសិនបើអាជ្ញាធរចាប់បានពលរដ្ឋណាម្នាក់បោះចោល ឬវេចខ្ចប់សំរាមមិនត្រឹមត្រូវតាមការកំណត់ អាជ្ញាធរនឹងធ្វើការផាកពិន័យជាធរមាន ដោយមិនលើកលែងនោះឡើយ៕
អត្ថបទ៖ រដ្ឋា
-
សន្តិសុខសង្គម២ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ២ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៣ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៧ ម៉ោង ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៦ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៦ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida