សន្តិសុខសង្គម
អភិបាលខេត្តកំពតជំរុញអាជ្ញាធរ និងមន្ត្រីពាក់ព័ន្ធត្រូវទប់ស្កាត់រាល់បទល្មើសនៅតាមមូលដ្ឋានឲ្យមានប្រសិទ្ធភាពខ្ពស់
នាថ្ងៃទី១៧ ខែតុលា ឆ្នាំ២០២៤នេះ លោក ម៉ៅ ធនិន អភិបាលខេត្តកំពត បានថ្លែងនៅកិច្ចប្រជុំគណៈបញ្ជាការឯកភាពរដ្ឋបាលខេត្តកំពតថា នាពេលកន្លងមកស្ថានភាពសន្តិសុខសណ្តាប់ធ្នាប់នៅខេត្តកំពតមានភាពល្អប្រសើរបានមានភ្ញៀវទេសចរចូលចិត្តមកលេងលម្ហែកម្សាន្តគួឱ្យកក់ក្តៅក្នុងចិត្តដោយសារមន្ត្រីរាជការ អាជ្ញាធរ និងជំនាញកម្លាំងសមត្ថកិច្ចបានសហការគ្នាធ្វើការបានយ៉ាងល្អប្រសើរ។
ដើម្បីពង្រឹងដល់គោលនយោបាយភូមិឃុំមានសុវត្ថិភាព និងដើម្បីឆ្លើយតបទៅនឹងតម្រូវការជីវភាពរស់នៅរបស់ប្រជាពលរដ្ឋ លោកអភិបាលខេត្តបានណែនាំដល់អាជ្ញាធរ មន្ត្រីជំនាញពាក់ព័ន្ធ កងកម្លាំង ឲ្យយកចិត្តទុកដាក់លើការងារ ៥ចំណុចសំខាន់ៗ ពិសេសត្រូវចូលរួមសហការបង្ការ ទប់ស្កាត់ និងបង្ក្រាបរាល់បទល្មើសក្នុងមូលដ្ឋានរបស់ខ្លួន ឲ្យកាន់តែល្អប្រសើរ និងមានប្រសិទ្ធភាពខ្ពស់។
លោកបន្ថែមថា ប៉ុន្តែយ៉ាងណាក៏ដោយ ខេត្តកំពតក៏នៅមានការងារខ្វះចន្លោះមួយចំនួន ដែលទាមទាឲ្យមានការចូលរួមសហការគ្នា ធ្វើឲ្យកាន់តែល្អប្រសើរថែមទៀត ក្នុងនោះមានដូចជា ១.ការងារការពារធនធានធម្មជាតិ ២.ការងារបង្ក្រាបបទល្មើសផ្សេងៗ (ពិសេសគ្រឿងញៀន និងល្បែងស៊ីសង) ៣.ការងារការពារបូរណភាពទឹកដីទាំងព្រំដែនទឹក និងគោក ៤.ការងារការពារវប្បធម៌ និងសម្បត្តិបេតិកភណ្ឌជាតិនៅតំបន់ភ្នំបូកគោ និង៥.ការងារតបណ្តាញទឹកភ្លើងជួនប្រជាពលរដ្ឋជាដើម។
លោក ម៉ៅ ធនិន បញ្ជាក់ថា បទល្មើសកើតឡើងនៅកន្លែងណា អាជ្ញាធរកន្លែងនោះ ត្រូវរាយការណ៍ និងមានចំណាត់ការដោះស្រាយទៅតាមនិតិវិធីច្បាប់ដែលបានកំណត់។
នៅក្នុងកិច្ចប្រជុំនោះដែរ លោក ម៉ៅ ធនិន អភិបាលខេត្តកំពតក៏បានជំរុញលើកទឹកចិត្តដល់ អាជ្ញាធរស្រុកជាប់ព្រំដែនប្រទេសជិតខាង ត្រូវមានស្មារតីប្រុងប្រយ័ត្ន និងឆន្ទៈខ្ពស់ គិតគូរអំពីផលប្រយោជន៍ជាតិ និងប្រជាជនជាធំ ពិសេសអាជ្ញាធរត្រូវណែនាំប្រជាពលរដ្ឋរស់នៅតាមខ្សែបន្ទាត់ព្រំដែន ឲ្យយល់ដឹងច្បាស់ អំពីការងារព្រំដែន ហើយរួមគ្នាការពារឲ្យបានល្អ កុំឲ្យមានជាតិសាសន៍ដ៏ទៃ មកជួល ឬមកអាស្រ័យផល លើដីកម្ពុជាជាដាច់ខាត៕
អត្ថបទ៖ សឹង រ៉ាត់
-
សន្តិសុខសង្គម៣ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ព័ត៌មានអន្ដរជាតិ២២ ម៉ោង ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៣ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៤ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៧ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៧ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida