សន្តិសុខសង្គម

Update៖ ករណីឆេះរោងចក្រផលិតស្បែកជើងនៅកំពង់ស្ពឺ សមត្ថកិច្ចប្រើរថយន្ដពន្លត់តែ៣គ្រឿងដើម្បីគ្រប់គ្រងស្ថានការណ៍

បានផុស

២ នាទី មុន

នៅ

ថ្ងៃសុក្រ ១៨ តុលា ២០២៤

ដោយ

កាលពីរសៀលថ្ងៃទី១៧តុលាម្សិលមិញ អគ្គិភ័យបានឆាបឆេះរោងចក្រផលិតស្បែងជើងមួយកន្លែងនៅភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ។ ក្នុងករណីអគ្គិភ័យនេះ កម្លាំងសមត្ថកិច្ចមូលដ្ឋានបានចុះអន្តរាគមន៍ដល់ទីតាំងកើតហេតុ និងបានប្រើប្រាស់រថយន្ដពន្លត់អគ្គិភ័យតែ៣គ្រឿងប៉ុណ្ណោះ រួមជាមួយពន្លត់អគ្គិភ័យចំនួន ៥០បំពង់ ដើម្បីគ្រប់គ្រងស្ថានការណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលខេត្តបានឲ្យដឹងបន្ថែមនៅយប់ថ្ងៃទី១៧តុលាដដែលថា រោងចក្រដែលត្រូវអគ្គិភ័យឆាបឆេះនេះ គឺជារោងចក្រផលិតស្បែកជើង «ជេវ៉ាយខេ ហ្វូតវែរ ឯ.ក ( JYK FOOTWEAR CO.LTD)» ស្ថិតនៅភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ដែលមានទំហំប្រវែង ៥០ម៉ែត្រ × ១០០ម៉ែត្រ ធ្វេីអំពីថ្ម ប្រក់ស័ង្កសី ស្តុកទុកនៅជ័រ បាតស្បែងជើង។ ក្រោយកិច្ចអន្ដរាគមន៍របស់កងកម្លាំងមានសមត្ថកិច្ច អគ្គិភ័យត្រូវបានគ្រប់គ្រង ១០០% និងរលត់ដោយសុវត្ថិភាព។

របាយការណ៍ដដែលបញ្ជាក់ថា ក្នុងហេតុការណ៍អគ្គិភ័យនេះ មិនបានបង្កអោយមានគ្រោះថ្នាក់ដល់កម្មករ-កម្មការិនីនោះឡេីយ៕

អត្ថបទ៖ សុខុម