សន្តិសុខសង្គម

កម្លាំងព្រហ្មទណ្ឌក្រសួងមហាផ្ទៃ ប្រដេញឃាត់ខ្លួនជនសង្ស័យពីរនាក់ ក្រោយឆក់ទូរស័ព្ទពីជនរងគ្រោះបានសម្រេច

បានផុស

២៧ នាទី មុន

នៅ

ថ្ងៃអង្គារ ២២ តុលា ២០២៤

ដោយ

ជនសង្ស័យ២នាក់ធ្វើសកម្មភាពឆក់ទូរសព្ទ័ពីជនជាតិចិនជិះម៉ូតូកង់បីបានសម្រេចតែរត់គេចមិនរួចត្រូវកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃប្រដេញឃាត់បានភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកេីតឡេីងនៅវេលាម៉ោង ៨និង៣០នាទីយប់ ថ្ងៃទី២១ខែតុលា ឆ្នាំ២០២៤ នៅចំណុចផ្លូវព្រះមុនីវង្សកែងផ្លូវ៤៨៤ សង្កាត់បឹងត្របែក ខណ្ឌចំការមន រាជធានីភ្នំពេញ។

ក្នុងប្រតិបត្តិការឃាត់ខ្លួនក្រុមជនសង្ស័ង កម្លាំងសមត្ថកិច្ចបានដកហូតម៉ូតូ២គ្រឿង ម៉ាកស៊ុយស៊ូគីនិចមួយគ្រឿង និងហុងដាឌ្រីមមួយគ្រឿង ជាមធ្យោបាយជិះធ្វើសកម្មភាព។

តាមប្រភពពីសមត្ថកិច្ចបានឱ្យដឹងថា មុនពេលឃាត់ជនសង្ស័យទាំង២នាក់ កម្លាំងនាយកដ្ឋានព្រហ្មទណ្ឌក្រសួងមហាផ្ទៃ បានចេញល្បាតទប់ស្កាត់បទល្មើស និងការពារសុវត្ថិភាពជូនប្រជាពលរដ្ឋតាមភូមិសាស្ត្ររាជធានីភ្នំពេញ លុះមកដល់ចំនុចកេីតហេតុ ក៏ស្រាប់ឃេីញជាក់ស្ដែងជនសង្ស័យ២នាក់ ជិះម៉ូតូចំនួន២គ្រឿងក្នុងនោះមានម៉ាក ហុងដាឌ្រីមពណ៌ខ្មៅមួយគ្រឿង និងម៉ូតូម៉ាក ស៊ុយស៊ុនិច ពណ៌សលាយខៀវ មួយគ្រឿង បានជិះទៅធ្វើសកម្មភាព ឆក់ទូរសព្ទដៃពីជនជាតិចិនប្រុសៗ២នាក់ ដែលកំពង់តែជិះលេីម៉ូតូកង់បី បានសម្រេចហេីយព្យាយាមជិះម៉ូតូរត់គេច តែភ្លាមនោះដោយកម្លាំងសមត្ថកិច្ចឃេីញហេតុការណ៍ជាក់ស្ដែង ក៏បានប្រដេញតាមជនសង្ស័យតាំងពីចំនុចកេីតហេតុ រហូតដល់តាមបណ្ដោយផ្លូវ៤៨៨ សង្កាត់ផ្សារដើមថ្កូវ ខណ្ឌចំការមន ទេីបធ្វេីការឃាត់បានជនសង្ស័យទាំង២នាក់នោះ និងដកហូតម៉ូតូចំនួន២គ្រឿងភ្លាមៗផងដែរ។

ជនសង្ស័យ និងជនរងគ្រោះ ត្រូវបានកម្លាំងសមត្ថកិច្ចនាំយកទៅសួរនាំ និងដាក់ពាក្យបណ្ដឹងនៅផ្នែកជំនាញនៃនាយកដ្ឋានព្រហ្មទណ្ឌក្រសួងមហាផ្ទៃដេីម្បីចាត់ការតាមនិតិវិធី៕

អត្ថបទ៖ សុខា