អាជ្ញាធរខណ្ឌដង្កោចុះបាញ់ទឹកលាងសំអាតផ្លូវនៅតំបន់បឹងតាម៉ាតក្រោយបន្សល់កាកសំណល់ដោយ​ជំនន់ទឹកភ្លៀង

រដ្ឋបាលខណ្ឌដង្កោ នៅរសៀលថ្ងៃទី២២ តុលានេះ បានសហការជាមួយរថយន្តបាញ់ទឹកលាងសំអាតផ្លូវរបស់សាលារាជធានីភ្នំពេញ​ ចុះបាញ់ទឹកលាងសំអាតលេីដងផ្លូវមុខផ្ទះប្រជាពលរដ្ឋនៅតំបន់បឹងតាម៉ាត បន្ទាប់ពីជំនន់ទឹកភ្លៀងបានស្រកទៅវិញបន្សល់នូវកាកសំណល់​។

មន្ត្រីអាជ្ញាធរបានឱ្យដឹងថា​ កន្លងមកបឹងតាម៉ាតមានការជនលិចដោយជំនន់ទឹកភ្លៀង​ និងធ្វេីឱ្យប៉ះពាល់ដល់ប្រជាពលរដ្ឋមួយចំនួនដែលនៅក្បែរនោះ។ បន្ទាប់ពីទឹកបានស្រកទៅវិញបន្សល់ទុកនូវកាកសំណល់​ លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានបញ្ជាឲ្យរថយន្ដបាញ់ទឹករបស់មន្ទីរសាធារណការ រាជធានីភ្នំពេញ សហជាមួយរដ្ឋបាលខណ្ឌដង្កោ បាញ់លាងសំអាតផ្លូវមួយចំនួនក្នុងតំបន់បឹងម៉ាត ដើម្បីបង្កភាពងាយស្រួល និងសោភណ្ឌភាពក្នុងមូលដ្ឋាន។ ជាមួយគ្នានោះ ប្រជាពលរដ្ឋក៏អរគុណដល់អាជ្ញាធរដែលតែងតែយកចិត្តទុកដាក់មកលេីប្រជាពលរដ្ឋក្នុងមូលដ្ឋាន​៕

អត្ថបទ៖ សុខា