អាជ្ញាធរខណ្ឌពោធិ៍សែនជ័យបង្ក្រាបទីតាំងលួច​បើក​​ល្បែងសុីសងអនឡាញនៅសង្កាត់ចោម​ចៅ​ទី​៣​

ទីតាំងលួចបើកលេងល្បែងសុីសងតាមអនឡាញមួយកន្លែងពង្វក់ពលរដ្ឋចាស់ក្មេងឱ្យញៀននឹងល្បែង ត្រូវបានកម្លាំងអាជ្ញាធរខណ្ឌពោធិ៍សែនជ័យចុះបង្ក្រាប ដកហូតយកសម្ភារមួយចំនួន និងឃាត់នាំស្ត្រី២នាក់ទៅធ្វើការអប់រំ។

ប្រតិបត្តិការខាងលើបានធ្វើឡើងកាលពីវេលាម៉ោង៤និង៣០នាទីរសៀល ថ្ងៃទី២២ ខែតុលា ឆ្នាំ២០២៤ នៅក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមអាជ្ញាធរបានឱ្យដឹងថា បន្ទាប់ពីទទួលបាននូវសភាពការណ៍ក្នុងមូលដ្ឋានទីតាំងខាងលើលួចបើកលេងល្បែងសុីសងតាមអនឡាញ ឆ្នោតឡូតូ ជល់មាន់ ទើបនៅរសៀលថ្ងៃទី២២ ខែតុលា ឆ្នាំ២០២៤ កម្លាំងអាជ្ញាធរខណ្ឌ ចុះទៅពិនិត្យជាក់ស្តែង ឈានដល់ការឃាត់ខ្លួនស្ត្រីម្ចាស់ទីតាំង២នាក់ និងដកហូតសម្ភារមួយចំនួន។

ស្ត្រីម្ចាស់ទីតាំង២នាក់ ត្រូវបានប្រគល់ឱ្យនគរបាលនាំយកទៅធ្វើការអប់រំនៅប៉ុស្តិ៍ រីឯសម្ភារដកហូតយកទៅរក្សាទុកនៅសាលាខណ្ឌ៕

អត្ថបទ៖ សុខា