សន្តិសុខសង្គម
នារីជនជាតិចិនម្នាក់ កំពុងជិះតាក់ស៊ី ឈ្លោះជាមួយសង្សារតាមទូរស័ព្ទ ស្រាប់តែយកកូនកាំបិតភ្ជង់.ក អ្នកបើកបរ ផ្អើលឆោឡោ
នារីជនជាតិចិនម្នាក់ ឡើងជិះតាក់ស៊ី ខណៈកំពុងនៅតាមផ្លូវ បាននិយាយទូរស័ព្ទជាមួយសង្សារ និងឈ្លោះប្រកែកគ្នា លុះក្រោយបិទទូរស័ព្ទ ក៏ទាញយកកូនកាំបិតពីក្នុងកាបូបមកភ្ជង់.ក អ្នកបើកបរ បង្កការភ្ញាក់ផ្អើលកាលពីវេលាម៉ោង ៤ ទៀបភ្លឺ ព្រឹកថ្ងៃទី ២៣ ខែតុលា ឆ្នាំ ២០២៤ ស្ថិតតាមបណ្ដោយមហាវិថីព្រះនរោត្តម សង្កាត់ផ្សារថ្មីទី ១ ខណ្ឌដូនពេញ រាជធានីភ្នំពេញ។
យោងតាមសម្ដីបុរសអ្នកបើកបរបានឲ្យដឹងថា មុនពេលកើតហេតុ មាននារីម្នាក់ ជាមិត្តនារីជនជាតិចិននោះបាន booking ចំរថយន្តរបស់គាត់ ចេញពីគោលដៅបុរីចំការមន ទៅកាន់ទឹកថ្លា។ លុះកំពុងជិះតាមផ្លូវ នារីជនជាតិចិនខាងលើ និយាយទូរស័ព្ទឈ្លោះគ្នាជាមួយបុរសជាសង្សារ ក្រោយមកបិទទូរស័ព្ទ បានទាញយកកូនកាំបិតបត់ពីក្នុងកាបូប ភ្ជង់.ក របស់គាត់ជាប់។
ប្រភពបន្តថា គាត់ស្តាប់ភាសាចិនបានខ្លះៗ ថាឲ្យគាត់បើកទៅឲ្យលឿន លុះមកដល់ចំណុចស្តុបBKC រូបគាត់បានឈប់រថយន្ត តែនារីចិននោះបានកាន់កាំបិត ភ្ជង់.ក គាត់ជាប់រហូត ដោយខ្លាចនារីចិននោះចាក់.ក គាត់បានកាត់កៅអីទៅក្រោយផ្តេកខ្លួន ប្រតាយប្រតប់ជាមួយនារីចិនខាងលើ បណ្ដាលឲ្យជ្រុះកាំបិតតែម្ដង ទើបគាត់បើកទ្វាររថយន្តរត់ចេញក្រៅ ដើម្បីស្រែកឲ្យគេជួយ។
បន្ទាប់មក នារីជនជាតិចិនម្នាក់នោះ បានរត់ដេញតាមគាត់ រហូតដល់កន្លែងសន្តិសុខយាមធនាគារ រួចនាងទៅលើកកៅអីរបស់សន្តិសុរត់ដេញតាមវាយបុរសបើកតាក់ស៊ីនោះ តែត្រូវបានក្រុមសន្តិសុខនៅទីនោះឃាត់ និងសែងនាងចេញ ដោយសារតែនារីចិននោះ ធ្វើអីមិនបាន នាងក៏បានដើរគេចខ្លួនចេញពីទីតាំងកើតហេតុបាត់ទៅ។
ក្រោយកើតហេតុ បុរសអ្នករត់តាក់ស៊ី ក៏បានបើករថយន្តត្រឡប់ទៅរកមិត្តរបស់នារីចិនខាងលើ ដើម្បីទារលុយថ្លៃសេវាកម្មវិញ ព្រោះនារីចិននោះជិះមិនបានឲ្យលុយនោះទេ ចំណែកអ្នក BOOKING គឺជាមិត្តរបស់នាងទៅវិញទេ៕
អត្ថបទ ៖ សំណាង
-
ព័ត៌មានអន្ដរជាតិ៦ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ព័ត៌មានអន្ដរជាតិ២ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៥ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ២ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
-
ព័ត៌មានអន្ដរជាតិ២ ថ្ងៃ ago
សង្គ្រាមលោកលើកទី៣លេចឡើងស្ទង់ៗ
-
ព័ត៌មានជាតិ២ ថ្ងៃ ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
សេដ្ឋកិច្ច២ ថ្ងៃ ago
អ្នកជំនាញអះអាងថា ទីផ្សារអចលទ្រព្យចាប់ផ្ដើមកម្រើកឡើងវិញ ខណៈតម្លៃធ្លាក់ចុះ