សន្តិសុខសង្គម

នគរបាលខណ្ឌកំបូល ចុះផ្សព្វផ្សាយពីផលប៉ះពាល់នៃការប្រើប្រាស់គ្រឿងញៀន និងបញ្ហាក្មេងទំនើង ដល់សិស្សានុសិស្សនៅវិទ្យាល័យជន្លង់ម្លូ

បានផុស

២២ វិនាទី មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

នគរបាលបានខណ្ឌកំបូល បានចុះអប់រំផ្សព្វផ្សាយអំពីផលប៉ះពាល់នៃការប្រើប្រាស់សារធាតុញៀន បញ្ហាក្មេងទំនើង និងច្បាប់ចរាចរណ៍ផ្លូវគោកដល់សិស្សានុសិស្សនៅតាមសាលា ដើម្បីបញ្ជ្រាបចំណេះដឹង និងកាត់បន្ថយបាតុភាពមិនល្អនៅក្នុងសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ហុង ពិសិដ្ឋ អធិការនៃអធិការដ្ឋាននគរបាលខណ្ឌកំបូល នៅថ្ងៃទី២៣ខែតុលា ឆ្នាំ២០២៤ បានចាត់ឱ្យលោកវរសេនីយ៍ទោ សួគ៌ ធី អធិការរង ដឹកនាំកម្លាំងប៉ុស្តិ៍នគរបាលរដ្ឋបាលភ្លេីងឆេះរទេះ ចុះផ្សព្វផ្សាយពីផលប៉ះពាល់នៃការប្រើប្រាស់គ្រឿងញៀន បញ្ហាក្មេងទំនើង និងច្បាប់ចរាចរណ៍ ដល់សិស្សានុសិស្សនៅវិទ្យាល័យជន្លង់ម្លូ។

លោកវរសេនីយ៍ឯក ហុង ពិសិដ្ឋ បានឱ្យដឹងថា ការចុះអប់រំផ្សព្វផ្សាយនេះ គឺធ្វើឡើងតាមការណែនាំរបស់លោក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដែលបានដាក់ចេញនូវផែនការ ដើម្បីឱ្យកម្លាំងសមត្ថកិច្ចទូទាំងរាជធានីភ្នំពេញ ចុះផ្សព្វផ្សាយពីផលប៉ះពាល់ទាំងអស់នេះដល់សិស្សានុសិស្ស។

លោកបន្តថា ការផ្សព្វផ្សាយទៅដល់យុវជន គឺមាននៅតែសាលារៀន ដែលអាចផ្តល់ព័ត៌មានឱ្យពួកគាត់បានទូលំទូលាយ ខណៈការផ្សព្វផ្សាយនេះ ក្រៅពីបញ្ជ្រាបនៅតាមសាលា ឬតាមរយៈម៉ោងសម្រាករបស់សិស្ស ជាមួយគ្នានោះសមត្ថកិច្ច ក៏បានចុះទៅអប់រំណែនាំដល់សិស្សានុសិស្ស ផ្តល់នូវចំណេះដឹងនានា ដើម្បីឱ្យពួកគាត់ជាយុវជនបានដឹង និងគេចចេញឱ្យឆ្ងាយ៕

អត្ថបទ៖ សំណាង