សន្តិសុខសង្គម

បុរសម្នាក់ មានជំងឺប្រចាំកាយ សម្រេចចិត្តចង.ក សម្លាប់ខ្លួននឹងបង្កាន់ដៃកាំជណ្ដើរ

បានផុស

១ ខែ មុន

នៅ

ថ្ងៃសុក្រ ២៥ តុលា ២០២៤

ដោយ

បុរសមានជំងឺប្រចាំកាយម្នាក់ បានសម្រេចចិត្តចង.ក សម្លាប់ខ្លួននឹងបង្កាន់ដៃកាំជណ្ដើរ ខណៈពេលដែលម្ដាយចាកចេញពីផ្ទះទៅផ្សារទិញម្ហូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបង្កឲ្យមានការភ្ញាក់ផ្អើលកាលពីវេលាម៉ោង ៨ ព្រឹក ថ្ងៃទី ២៥ ខែតុលា ឆ្នាំ ២០២៤ នៅភូមិគោករកា សង្កាត់គោករកា ខណ្ឌព្រែកព្នៅ រាជធានីភ្នំពេញ។ សពមានឈ្មោះ គឹម សំណាង ហៅគោ អាយុ ២៨ ឆ្នាំ ស្នាក់នៅផ្ទះកន្លែងកើតហេតុខាងលើ។

តាមរយៈនគរបាលបានឲ្យដឹងថា បុរសខាងលើបានចង.ក សម្លាប់ខ្លួននឹងស្បង់ចីវរ ដោយភ្ជាប់ទៅនឹងបង្កាន់ដៃកាំជណ្ដើរស្លាប់បាត់បង់ជីវិត។

តាមស្ត្រីជាម្ដាយឈ្មោះ សៀង សារិន បានឲ្យដឹងថា កូនប្រុសរបស់គាត់មានជំងឺសរសៃប្រសាទរយៈពេលប្រមាណជាង ៣ ខែ មកហើយ បន្ទាប់ពីជួបគ្រោះថ្នាក់ចរាចរណ៍។ នៅព្រឹកថ្ងៃកើតហេតុ គាត់បានធ្វើដំណើរទៅផ្សារទិញម្ហូប ដោយទុកកូនប្រុសនៅផ្ទះតែម្នាក់ឯង។ នៅពេលត្រឡប់មកពីផ្សារវិញ ក៏ប្រទះឃើញចង.ក សម្លាប់ខ្លួន រួចក៏រាយការណ៍ប្រាប់សមត្ថកិច្ច បង្កឲ្យមានការភ្ញាក់ផ្អើលតែម្ដង។

ស្ត្រីជាម្ដាយបានឲ្យដឹងទៀតថា កន្លងមកកូនប្រុសរបស់គាត់បានព្យាយាមចង.ក សម្លាប់ខ្លួនជាច្រើនលើកមកហើយ តែពុំបានសម្រេច ដោយគាត់ឃាត់ទាន់ ហើយលើកនេះគាត់ពុំនៅផ្ទះ។ នៅព្រឹកនេះដែរ សមត្ថកិច្ចជំនាញ ក៏បានចុះទៅត្រួតពិនិត្យសព រួចប្រគល់ជូនក្រុមគ្រួសារធ្វើបុណ្យតាមប្រពៃណី៕

អត្ថបទ ៖ សំណាង