បុរសម្នាក់លោតពីលើផ្ទះជាន់ទី៣ បញ្ចប់ជីវិតខ្លួនឯង​ដោយមិនដឹងមូលហេតុ

បុរសម្នាក់បានបញ្ចប់ជីវិតខ្លួនឯងដោយសម្រេចលោតពីលើផ្ទះជាន់ទី៣ បង្កអោយមានការភ្ញាក់ផ្អើលនៅវេលាម៉ោង៥និង២០នាទី ល្ងាចថ្ងៃទី២៨ ខែតុលា ឆ្នាំ២០២៤ ស្ថិតក្នុងបុរីពិភពថ្មីចំការដូង ផ្លូវលេខ០៣ ផ្ទះលេខ៤១អា ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។

តាមប្រភពពីកន្លែងកើតហេតុ បានប្រាប់អោយដឹងថា នៅវេលាម៉ោងកើតហេតុពុំមានឮសំឡេងឈ្លោះប្រកែក ឬបញ្ហាអ្វី នៅផ្ទះកើតហេតុនោះទេ ស្រាប់តែឮសូរសម្លេងធ្លាក់ប្រាវក្រឡេកមើលក៏ឃើញបុរសម្នាក់បានលោតពីលើផ្ទះជាន់ទី៣ស្លាប់ភ្លាមៗតែម្តង ។

ដោយឡែកប្រភពពីអ្នកជិតខាងផ្សេងទៀតបានហើយដឹងថា បុរសខាងលើពុំមែនជាអ្នករស់នៅទីនោះទេ ពោលគឺផ្ទះគាត់ទិញទុកចោល គ្រាន់តែយូរៗមកមើលបោសសម្អាតម្តងៗតែប៉ុណ្តោះ។ ចំពោះអត្តសញ្ញាណបុរសខាងលើ នៅមិនទាន់ស្គាល់នៅឡើយទេ។

ក្រោយកើតហេតុសមត្ថកិច្ចមូលដ្ឋានបានសហការជាមួយមន្ត្រីជំនាញបច្ចេកទេសកោសល្យចុះមកពិនិត្យជាក់ស្តែង និងសាកសួរសាក្សីជុំវិញកន្លែងកើតហេតុ និងបន្តអនុវត្តន៍ទៅតាមនីតិវិធី៕

អត្ថបទ៖ សំណាង