សន្តិសុខសង្គម

ប្រជាពលរដ្ឋផ្ទុះការតវ៉ា ពេលសមត្ថកិច្ចចុះឃាត់ម៉ូតូបំពាក់បំពង់ស៊ីម៉ាំងកែច្នៃ

បានផុស

៤ ខែ មុន

នៅ

ថ្ងៃពុធ ៣០ តុលា ២០២៤

ដោយ

ប្រជាពលរដ្ឋផ្ទុះការតវ៉ាយ៉ាងខ្លាំង ខណៈកម្លាំងសមត្ថកិច្ចនគរបាលប៉ុស្តិ៍កន្ទោក សហការជាមួយកម្លាំងនគរបាលខណ្ឌកំបូល បានធ្វេីការឃាត់ម៉ូតូមួយគ្រឿងដែលបំពាក់បំពង់ស៊ីម៉ាំងកែច្នៃយកទៅណែនាំ ខណៈពលរដ្ឋថា សមត្ថកិច្ចចង់ធ្វើស៊ីទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បង្កឲ្យមានការភ្ញាក់ផ្អើលកាលពីម៉ោង១០យប់ ថ្ងៃទី២៩ ខែតុលា ឆ្នាំ២០២៤ នៅតាមបណ្ដោយផ្លូវ បេតុង ជិតបុរីរំចេក ដែលស្ថិតនៅសង្កាត់កន្ទោក ខណ្ឌកំបូល រាជធានីភ្នំពេញ។

សមត្សមត្ថកិច្ចនគរបាលប៉ុស្តិ៍កន្ទោកបានឲ្យដឹងថា មុនពេលកើតហេតុមានប្រជាពលរដ្ឋបានរាយការណ៍ និងប្តឹងសមត្ថកិច្ចថា មានម៉ូតូមួយគ្រឿងជាម៉ូតូធំ ម៉ាក YAMAHA MX KING ពណ៌ខៀវ ពាក់ស្លាកលេខ សៀមរាប 1AQ-6060 តែងតែបើករោទ៍សំឡេងលឺខ្លាំងៗ រំខានដល់ប្រជាពលរដ្ឋពេញភូមិ។ បន្ទាប់មកនគរបាលប៉ុស្តិ៍កន្ទោកសហការជាមួយនគរបាលខណ្ឌកំបូល បានឃាត់ម៉ូតូខាងលើភ្លាមៗ តែម្ចាស់ម៉ូតូស្រែកឡាំប៉ាដាក់កម្លាំងនគរបាលថា ពួកគាត់មិនបានជិះទេ ម៉េចបានឃាត់ម៉ូតូគាត់ ហើយពួកគាត់ថា មុននេះគាត់កំពុងផឹកស៊ីនៅជិតកន្លែងកើតហេតុ ហើយមិនបានជិះម៉ូតូទេគ្រាន់តែបណ្តើរប៉ណ្ណោះ។

សមត្ថកិច្ចបានបញ្ជាក់ប្រាប់ទៀតថា កម្លាំងនឹងយកម៉ូតូទៅរក្សាទុកនៅប៉ុស្តិ៍បណ្តុះអាសន្នសិន ដេីម្បីឲ្យម្ចាស់ម៉ូតូយកបំពង់ស៊ីម៉ាំងធម្មតាមកប្តូរវិញ និងធ្វេីកិច្ចសន្យាអប់រំរួចប្រគល់ឲ្យម្ចាស់វិញ។ តែមិត្តភក្ដិម្ចាស់ម៉ូតូមិនព្រម ខ្លាចកម្លាំងសមត្ថកិច្ចនគរបាលឃាត់ម៉ូតូខាងលើកៀបស៊ីពួកគាត់ ដោយនាំគ្នាឡូឡាពេញដងផ្លូវ បណ្តាលឲ្យផ្អើលដល់ប្រជាពលរដ្ឋនៅជិតកន្លែងកើតហេតុចោមរោមពេញដងផ្លូវ លុះមួយសន្ទុះក្រោយមកទើបព្រមប្រគល់ម៉ូតូទឲ្យសមត្ថកិច្ច។

បន្ទាប់ពីកើតហេតុសមត្ថកិច្ចបានឲ្យពួកគាត់ប្តូរដាក់ស៊ីម៉ាំងធម្មតាវិញ និងណែនាំអោយត្រឡប់ទៅផ្ទះភ្លាមៗ ដោយមិនទាមទារផាកនោះឡើយ៕

អត្ថបទ៖ សុខា