សន្តិសុខសង្គម

ឆេះរថយន្តមួយគ្រឿងទាំងស្រុង ក្នុងយានដ្ឋានជួសជុលរថយន្តមួយកន្លែង

បានផុស

៣ ខែ មុន

នៅ

ថ្ងៃសុក្រ ១ វិច្ឆិកា ២០២៤

ដោយ

អ៊ិន ពិសី

ឆាបឆេះរថយន្តក្នុងយានដ្ឋានជួសជុលមួយកន្លែង បណ្ដាលឲ្យខូចខាតរថយន្តមួយគ្រឿងទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិភ័យនេះដែរបង្កការភ្ញាក់ផ្អើលកាលពីវេលាម៉ោង ៤ និង ៤០ នាទីល្ងាច ថ្ងៃទី ៣១ ខែតុលា ឆ្នាំ ២០២៤ នៅចំណុចយានដ្ឋានជួសជុលរថយន្ត អិមអេក ស្ថិតតាមបណ្ដោយផ្លូវលេខ ១៨០០ សង្កាត់ច្រាំងចំរេះទី ២ ខណ្ឌឫស្សីកែវ រាជធានីភ្នំពេញ។

ប្រភពពីប្រជាពលរដ្ឋបានឲ្យដឹងថា មុនកើតហេតុគេបានធុំក្លិនឈ្ងៀមលាយឡំផ្សែងខ្មៅហុយចូលផ្ទះរបស់ពួកគាត់។ ភ្លាមៗ គាត់ស្ទុះរត់ចេញពីក្នុងផ្ទះមកមើលបានឃើញយានដ្ឋានជួសជុលយីហោ អិមអេក កំពុងមានរថយន្តមួយគ្រឿងឆាបឆេះយ៉ាងសន្ធោសន្ធៅ។ ខណៈនោះ ពលរដ្ឋបានប្រញាប់រាយការណ៍ជូនសមត្ថកិច្ច ដើម្បីអន្តរាគមន៍ភ្លាមៗ។

ក្នុងហេតុការណ៍នេះបណ្ដាលឲ្យឆាបឆេះរថយន្តមួយគ្រឿង ម៉ាក តូយូតា កាមរី មួយគ្រឿងទាំងស្រុង ហើយបានប្រើប្រាស់រថយន្តពន្លត់របស់ស្នងការ ចំនួន ០២ គ្រឿង បាញ់ឲ្យរលត់ជាស្ថាពរ។ ចំណែកមូលហេតុនៅមិនទាន់ដឹងថាមកពីអ្វីនោះឡើយ តែទោះបីយ៉ាងណាសមត្ថកិច្ចកំពុងបើកការស្រាវជ្រាវលម្អិតជុំវិញករណីនេះផងដែរ៕

អត្ថបទ ៖ រដ្ឋា