សន្តិសុខសង្គម

ស្រវឹងជិះម៉ូតូទៅមុខលែងរួច ឈប់ដេកតាមផ្លូវ ត្រូវជនឆ្លៀតឱកាសលួចម៉ូតូបាត់

បានផុស

៤ ខែ មុន

នៅ

ថ្ងៃអង្គារ ២៦ វិច្ឆិកា ២០២៤

ដោយ

បុរសម្នាក់ ផឹកស៊ីស្រវឹង ខណៈជិះម៉ូតូតាមផ្លូវបំណងទៅផ្ទះ តែទៅមុខលែងរួច ក៏ឈប់ម៉ូតូដេកលើចិញ្ចឹមផ្លូវ ស្រាប់តែត្រូវជនឆ្លៀតឱកាសលួចយកម៉ូតូទៅបាត់ បង្កការភ្ញាក់ផ្អើលកាលពីវេលាម៉ោង ១២ និង ២០ នាទី រំលងអធ្រាត្រ ឈានចូលថ្ងៃទី ២៦ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវបេតុង ភូមិក្បាលដំរី ២ សង្កាត់កាកាបទី ២ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ ជិះម៉ូតូម៉ាកស៊ុយសូគីនិច ដោយមិនចាំស្លាកលេខនោះទេ ធ្វើដំណើរមកដល់ចំណុចកើតហេតុ ស្រាប់តែឈប់ម៉ូតូ រួចប្រាសខ្លួនដេកលង់លក់នៅលើខឿនមុខផ្ទះសំណាក់ យីហោ លាភហេង។ លុះក្រោយមក ក៏មានជនសង្ស័យប្រុសស្រីពីរនាក់ ដើរមកដល់ឃើញឱកាសល្អបានយកទូរស័ព្ទ និងម៉ូតូ ជិះចេញទៅបាត់ពីកន្លែងកើតហេតុ បន្ទាប់មកប្រជាពលរដ្ឋឃើញក៏នាំគ្នារាយការណ៍ទាក់ទងទៅសមត្ថកិច្ចមូលដ្ឋានភ្លាមៗ។

ក្រោយកើតហេតុបន្ទាប់ពីកម្លាំងសមត្ថកិច្ចមូលដ្ឋានចុះមកដល់ដាស់សួរនាំរួចហើយបាននាំយកទៅប៉ុស្តិ៍ ដើម្បីទាក់ទងក្រុមគ្រួសារឲ្យមកទទួលបុរសខាងលើយកទៅផ្ទះវិញ៕

អត្ថបទ ៖ សុខា

Related Topics:ខណ្ឌពោធិ៍សែនជ័យ