សន្តិសុខសង្គម
អាជ្ញាធរខណ្ឌបឹងកេងកង អ៊ុតកៅស៊ូបន្ថែមលើផ្លូវលេខ៣២២ ដើម្បីសម្រួលដល់ការធ្វើដំណើររបស់ពលរដ្ឋ
ជង្ហុកជាច្រើនកន្លែង និងមានទឹកដក់លើផ្លូវលេខ៣២២ កែងផ្លូវព្រះមុនីវង្ស ត្រូវបានអាជ្ញាធរខណ្ឌបឹងកេងកងធើ្វការអ៊ុតកៅស៊ូឡើងវិញ ដើម្បីសម្រួលដល់ការធ្វើដំណើររបស់ប្រជាពលរដ្ឋ និងលើកសោភ័ណភាពតាមដងផ្លូវផងដែរ។
![](https://www.kampucheathmey.com/wp-content/uploads/2024/12/photo_2024-12-04_07-20-27-1024x576.jpg)
សូមបញ្ជាក់ថា បើតាមលោក សុខ សម្បត្តិ អភិបាលនៃគណអភិបាលខណ្ឌបឹងកេងកង បានប្រាប់អោយដឹងថា ចំពោះកំណាត់ផ្លូវកំពុងរងការខូចខាតនេះ គឺស្ថិតនៅក្នុងគម្រោងអភិវឌ្ឍន៍សង្កាត់ឆ្នាំ២០២៤ របស់រដ្ឋបាលខណ្ឌបឹងកេងកង។
![](https://www.kampucheathmey.com/wp-content/uploads/2024/12/photo_2024-12-04_07-20-16-1024x576.jpg)
លោក លី ដែន ជាពលរដ្ឋតែងតែធ្វើដំណើរឆ្លងកាត់តំបន់នេះមានចិត្តសប្បាយរីករាយសាទរចំពោះអាជ្ញាធរមូលដ្ឋាន តែងយកចិត្តទុកដាក់ពីផលលំបាករបស់ប្រជាពលរដ្ឋគិតគូរតាំងពីការធ្វើដំណើររបស់ពលរដ្ឋ ការរស់របស់ពលរដ្ឋ និងសុខសុវត្ថិភាព។
![](https://www.kampucheathmey.com/wp-content/uploads/2024/12/photo_2024-12-04_07-20-20-1024x768.jpg)
លោក ហេង ពិសិដ្ឋ អភិបាលរងខណ្ឌបឹងកេងកងបានលើកឡើងថា ចំពោះផ្លូវមួយខ្សែនេះអាជ្ញាធរបានធើ្វការអ៊ុតជាប្រភេទកៅស៊ូមានទទឹង៨ម៉ែត្រ មានប្រវែង១៥០ម៉ែត្រ ចំពោះជង្ហុកតូចៗត្រូវបានចាក់បំពេញរួចហើយ។ លោកបានបន្ថែមទៀតថា សម្រាប់កន្លែងដែលនៅសេសសល់ នឹងធ្វើការអភិវឌ្ឍន៍ចាក់កៅស៊ូបន្ថែមនៅក្នុងគម្រោងអភិវឌ្ឍន៍សង្កាត់ឆ្នាំ ២០២៥ រហូតដល់ចំណុចផ្លូវលេខ៦៣ នាពេលខាងមុននេះ។
![](https://www.kampucheathmey.com/wp-content/uploads/2024/12/photo_2024-12-04_07-20-22-1024x768.jpg)
ជាមួយគ្នានេះដែរ ប្រជាពលរដ្ឋក៏បានសំណូមពរអាជ្ញាធរបន្ថែមថា សូមជួយត្រួតពិនិត្យចំពោះការដ្ឋានកំពុងសាងសង់ បានយកដីចំណីផ្លូវដាក់សម្ភារៈលើផ្លូវ ដែលធ្វើអោយបាត់បង់នូវផ្លូវសម្រាប់ថ្មើរជើងបាត់ទៅហើយ៕
អត្ថបទ៖ ម៉េង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៣ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?