សន្តិសុខសង្គម
ស្ត្រីចំណាស់ម្នាក់រងរួបសន្លប់ស្ដូកស្ដឹង ក្រោយពីត្រូវក្រុមជនសង្ស័យឆក់ខ្សែ ក ដួលបោកក្បាល
ស្ត្រីចំណាស់ម្នាក់បានដួលបោកក្បាលរបួសសន្លប់ស្តូកស្តឹង ខណៈកំពុងជិះកង់អាគុយមួយគ្រឿងមកពីផ្សារទិញម្ហូប ហើយត្រូវក្រុមជនសង្ស័យពីរនាក់ឆក់ខ្សែ ក ទាញដាច់មួយកំណាត់រួចគេចខ្លួនបាត់។

ហេតុការណ៍នេះបានកើតឡើងនៅវេលាម៉ោង៤និង៥០នាទីល្ងាចថ្ងៃទី៤ ខែធ្នូ ឆ្នាំ២០២៤ នៅចំណុវមុខរោងចក្រ លើផ្លូវបេតុង ចូលភូមិព្រៃល្វា ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមការឱ្យដឹងពីកូនស្ត្រីរងគ្រោះបាននិយាយថា ម្តាយរបស់គាត់មានឈ្មោះ ស៊ឹម ភួន អាយុ៦០ឆ្នាំ មុនពេលកើតហេតុ ម្តាយគាត់បានចេញពីផ្ទះនៅភូមិព្រៃសណ្តែក សង្កាត់ចោមចៅទី២ ដោយជិះកង់អាគុយមួយគ្រឿងពណ៌ក្រហម មករកទិញម្ហូបនៅភូមិជ្រៃកោងបាត់មួយសន្ទុះធំ ទើបមានគេទៅប្រាប់ថា ម្តាយជួបគ្រោះថ្នាក់ត្រូវជនសង្ស័យឆក់ខ្សែកបែបនេះតែម្តង ហើយខ្សែកមានទម្ងន់ប្រហែល៣ជី មាស។

បើតាមសាក្សីដែលឃើញហេតុការណ៍បានប្រាប់ឱ្យដឹងថា គេបានឃើញស្ត្រីរងគ្រោះ ជិះកង់អាគុយពណ៌ក្រហមតែម្នាក់ឯង ចេញពីទិញម្ហូបនៅផ្សារមួយក្បែរទីតាំងកើតហេតុ ខណៈជិះមកដល់មុខរោងចក្រដែលជាចំណុចកើតហេតុ ស្រាប់តែមានជនសង្ស័យចំនួន២នាក់ ជិះម៉ូតូមួយគ្រឿងម៉ាក Zoomer-X មិនចាំពណ៍ មិនចាំស្លាកលេខ ជិះមកក្បែរស្ត្រីរងគ្រោះ រួចលូកដៃឆក់យកខ្សែក បណ្តាលឱ្យអោយស្រ្តីរងគ្រោះដួលបោកក្បាល សន្លប់ស្តូកស្តឹង និងបានឃើញខ្សែករបស់ស្ត្រីរងគ្រោះដាច់បាត់មួយកំណាត់ សង្ស័យចោរឆក់យកទៅបាត់។

ក្រោយកើតហេតុ ស្ត្រីរងគ្រោះត្រូវបានប្រជាពលរដ្ឋទូរស័ព្ទហៅរថយន្តសង្គ្រោះរបស់ក្រុម ៧១១ កងពលតូចលេខ៧០ មកដឹកទៅព្យាបាលនៅមន្ទីពេទ្យព្រះកុសុមៈ។ ចំណែកសមត្ថកិច្ចមូលដ្ឋានបានចុះដល់ទីតាំងភ្លាមៗ និងធ្វើការកំណត់រកមុខសញ្ញាដើម្បីតាមចាប់យកមកផ្តន្ទាទោសទៅតាមច្បាប់៕
អត្ថបទ៖ សំណាង



-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?