ឃាត់ខ្លួនមេតុងទីនម្នាក់ ក្រោយបោកលុយកូនក្រុមជាង១៣ម៉ឺនដុល្លារ

មេតុនទីនម្នាក់ត្រូវបានជនរងគ្រោះឃាត់ខ្លួនប្រគល់ឲ្យសមត្ថកិច្ចដេីម្បីចាត់ការតាមនីតិវិធីច្បាប់ ក្រោយគេចវេះមិនទទួលខុសត្រូវពីមួយខែទៅមួយខែ រហូតដល់ឆ្នាំ។ ការឃាត់ខ្លួនមេតុងទីនេះបានធ្វេីឡេីងកាលពីព្រឹកថ្ងៃទី៦ ខែធ្នូ ឆ្នាំ២០២៤ នៅភូមិថ្នល់បុះបែក​ សង្កាត់ចោមចៅទី៣​ ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យដែលឃាត់ខ្លួនឈ្មោះ អឹម ផារ៉ុង ភេទប្រុស អាយុ៣៧ឆ្នាំ មុខរបរមេតុនទីន មានទីលំនៅភូមិថ្នល់បំបែក សង្កាត់ ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ ចំណែកប្រពន្ធឈ្មោះ មី អេងលី ភេទស្រី អាយុ២៣ឆ្នាំ មុខរបរមេតុនទីន (គេចខ្លួន) ។

តាមការឲ្យដឹងពីក្រុមជនរងគ្រោះក្នុងករណីនេះ​លុយដែលត្រូវមេតុនទីទទួលពីជនរងគ្រោះមានចំនួនសរុប ១៣៨,៣១៥ ដុល្លារ​​ (ដប់បីម៉ឺនប្រាំបីពាន់បីរយដប់ប្រាំដុល្លារ)។

តាមរបាយការណ៍សមត្ថកិច្ចបានឱ្យដឹងថា​ កាលពីថ្ងៃទី៣០ ខែមិថុនា ឆ្នាំ២០២៣ វេលាម៉ោង១០និង៣០នាទី ជនសង្ស័យជាមេតុនទីន បានបបួលជនរងគ្រោះលេងតុងទីន និងខ្ចីលុយជនរងគ្រោះតែមិនទទួលខុសត្រូវដោយគេចវេះមិនទទួលខុសត្រូវពីមួយខែទៅមួយខែ រហូតដល់ឆ្នាំ លុះរហូតដល់ថ្ងៃទី៦ ខែធ្នូ ឆ្នាំ២០២៤ ជនរងគ្រោះបានឃើញជនសង្ស័យឈ្មោះ ជឹម ផារ៉ុង ភេទ ប្រុស(ប្តី) នៅផ្ទះភូមិថ្នល់បំបែក សង្កាត់ចោមចៅទី៣ ក៏ធ្វើការឃាត់ខ្លួនជនសង្ស័យនាំយកមកប្រគល់ឱ្យសមត្ថកិច្ចប៉ុស្តិ៍នគរបាលរដ្ឋបាលចោមចៅទី៣ ដើម្បីធ្វើការសាកសួរតែម្តង។

នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានលេងតុនទីន និងខ្ចីលុយជនរងគ្រោះពិតប្រាកដមែន​ រួចជនរងគ្រោះក៏បានដាក់ពាក្យបណ្តឹងទៅសមត្ថកិច្ច។ បច្ចុបន្នជនសង្ស័យត្រូវបានសមត្ថកិច្ចបញ្ជូនទៅផ្នែកនគរបាលព្រហ្មទណ្ឌនៃអធិការដ្ឋាននគរ​បាលខណ្ឌពោធិ៍សែនជ័យដេីម្បីចាត់ការបន្ត៕

អត្ថបទ៖ សុខា