សន្តិសុខសង្គម
ក្មេងទំនើង ០១ ក្រុម ដេញព្រួតវាយយុវជន ០២ នាក់ រួចបើកម៉ូតូកិនបំបាក់ជើង របួសធ្ងន់ម្នាក់
យុវជន ០២ នាក់ ភ័យស្លន់ស្លោ ក្រោយក្មេងទំនើង ០១ ក្រុម ដេញវាយ រហូតជ្រុលបុកកង់បីពីក្រោយ បណ្ដាលឲ្យដួល រួចក៏ត្រូវក្មេងទំនើងទាំងនោះជិះកិនបាក់ជើងម្នាក់ និងម្នាក់ទៀតរបួសស្រាល។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៩ និង ៣០ នាទីយប់ ថ្ងៃទី ១០ ខែធ្នូ ឆ្នាំ ២០២៤ នៅតាមបណ្ដោយផ្លូវព្រះសីហនុ ទល់មុខធនាគារ ABA ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

តាមប្រភពព័ត៌មានបានឲ្យដឹងថា មុនកើតហេតុ យុវជនទាំង ០២ នាក់ខាងលើ បានជិះម៉ូតូដើរលេង នៅក្នុងកោះពេជ្រ ខណៈកំពុងជិះដើរលេង ក៏ស្រាប់តែមានក្រុមក្មេងទំនើង ០១ ក្រុម បានជិះតាមក្រោយ ហើយបានស្រែកទៅកាន់យុវជនទាំង ០២ នាក់ ខាងលើ រួចក៏ចាប់ផ្ដើមជិះដេញតាមវាយរហូតមកដល់ចំណុចទល់មុខធនាគារ ABA ធ្វើឲ្យយុវជនទាំង ០២ នាក់ នោះ ភ័យតក់ស្លុត បានជ្រុលបុកកង់បីឥណ្ឌា ០១ គ្រឿង ពីក្រោយ បណ្តាលឲ្យដួល ស្របពេលនោះដែរ ក្រុមក្មេងទំនើងដែលដេញតាម បានចុះទៅព្រួតវាយយុវជនរងគ្រោះបន្ថែមទៀត ហើយបើកម៉ូតូកិនជើងភាគីរងគ្រោះបាក់ជើង និងម្នាក់ទៀតរងរបួស ទើបឡើងជិះម៉ូតូគេចខ្លួនបាត់ស្រមោល។

ក្រោយពេលកើតហេតុ យុវជនរងគ្រោះ ត្រូវបានក្រុមគ្រួសារយកទៅព្យាបាលរបួសនៅឯមន្ទីរពេទ្យ និងដាក់ពាក្យបណ្ដឹងតាមក្រោយ៕
អត្ថបទ ៖ រដ្ឋា


-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១២ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី